4月5日 (星期四)

今日係清明節, 我當然唔係去拜山啦! 印象好, 好似只係去過一次. 今日, 同雀巢同高雄出去睇戲. 一早我地就出去旺角lu, 早d去, 少人d, 唔駛怕買唔到飛麻. 11:30am 就到o左UA朗豪坊, 我都係鍾意黎間戲劇多d, 因為黎間d坐位好舒服, 而且前面果d人一定遮唔到自己, o岩晒我黎d唔係高o既人, 正呀!

買完飛, 時間尚早, 去o左打機, 哈哈! 去打機, 好似例牌o架喎! 次次都係咁o既? 不過去打機都几好呀, 開心, 刺激, 正正正呀! 咁o岩女朋友打電話黎喎, 昨日佢又冇搵我, 真係等得我好心急呀. 佢話應該星期六可以online啦, 到時就可以同佢玩net meeting. 真係好心急呀, 嘿嘿嘿!

去o左"洋蔥舍"食lunch, 好耐都冇黎食飯啦, 好掛住果個吉列魚柳併雞錘UFO飛碟飯呀! UFO飛碟飯, 都係得個名o既o者, 其實都唔係d咩咁特別, 只不過係有隻蛋包住d飯, 就好似庵列咁樣o羅!

食完lunch, 又係去打機...... 真係唔知點解啦, 同佢地出街, 次次都係打機o既? 可能我地成班都係"機佬"啦, 哈哈!

我地去睇"忍者龜", 套戲都几好睇, 有搞笑, 又打得刺激, 不過套戲就短o左d o羅, 得80mins左右. 套戲係接住卡通片第二集之後o既, 不過TVB前排播播下, 只係播o左一半, 個故事好似仲未完o既o者, 四隻忍者龜合力打沙達, 打到沙達個頭都掉o左出黎, 佢地以為沙達死o左, 打完就走晒lu, 但完來沙達未死, 佢自己執番自己個頭, 之後行o左去就完o左, 咁樣個故事好似未完o者.

去o左買電腦野, 唉, 又破費啦, 咁就駛o左六百几蚊. 今日買o左條1GB RAM, 想upgrade一下, 加快d部電腦, 唔駛開得多野果時會咁慢. 我部電腦已經ready好啦, 等住同女朋友玩net meeting. 女朋友呀, 你快d online啦!