二月十五日
我今日終於搭足由中學開始話想去ge地方啦………


今期我地有十一人向香港最南ge離島進發呀………….

今日我地約得特別早, 係八點半已經出現約銅鑼灣啦, 而岩岩係十點去到聖士提反灣碼頭同上船.

開船啦……..

由於係搭街渡ge關係, 所以架船會特別拋, 而第一個出現暈船浪ge就係維維啦. Hahahah

船程只有三十分鐘, 途中經過而又較為接近ge有螺洲同白排, 經過白排後五分鐘, 我地終於踏足於蒲苔島碼頭啦. Yeah~~~~

事不宜遲, 到達碼頭後, 我地首先向左方ge觀音廟進發, 路過觀音廟後再向嚮螺石前進.

幾分鐘後, 嚮螺石已經出現眼前, 唔洗講野…去呀!!!

到達嚮螺石旁, 由於此段路為許多大石所組成, 所以我地又爬又跳先上到去嚮螺石, 而同樣地, 我地亦都想辦法令所有同行ge朋友仔上到嚮螺石影相.

當然, 擦傷手腳亦係少不免架啦.

既然嚮螺石中央有一峽縫, 我地當然會爬入去影相啦. Hehehe

爬下石影下相, 做咩咁快就過左成個鐘架?

唔得!! 行程加快..馬上返去觀音廟後ge山路進發. Gogogogo…………

呢後路係直上觀日亭ge, 沿途只有山景同埋回望海邊ge景色, 無乜特別景點, 所以我地行到觀日亭果陣都只係剛剛一點正.

到達觀日亭呢個蒲苔島最高ge地方, 由於太大風啦, 我地全部人都需要取出外套, 同時亦進食午餐.

午餐及大休過後, 我地向山腰棺材石進發.

棺材石只有一半外露, 我同七哥曾嘗試於草叢中覓路前往, 但到最後廿米左右, 由於植物太茂盛及較暗而被迫放棄. 只可以作遠觀而不可靠近.

當我地二人與大隊匯合後, 剛巧有小朋友與兩隻小狗 (Happy & Na Na) 出現. 所以我地再逗留一陣先向巫氏古宅進發.

巫氏古宅小路前有一路牌指明為私人地方, 但難得去到, 我地當然唔會理會此指示牌啦.

到達巫氏古宅前, 只見一片頹垣敗瓦, 由於此古宅被冠以鬼屋之名, 故進入ge時候亦顯得格外小心.

進入古宅左側之小房間後, 我與阿元分別望向內裏較小及較暗之一個房間後轉身時, 同時冰冰向房內觀看, 當她觀看後馬上示意我們即時離開.

當離開後, 冰冰告知原來該房間內最暗之一角有一半透明靈體向我們張望, 由於未知為善意或惡意, 所以告知我們先行離開, 而免騷擾它們.

離開古宅後, 我地先去碼頭附近GE小檔口食個公仔麵, 之後向蒲台島南方進發…….

向蒲台島最南方淘金崖進發途中經過……….
石刻 ---------- 之前東龍島睇過, 所以唔落樓梯睇lu~
僧人石 ------ 都唔似ge~
靈龜上岸 ---------- 坐住佢都唔知添.

終於…………………….終於到達香港最南面啦…………yeah~~~~


呢度一望無際, 坐係石上面仲睇到一個接一個大浪拍岸ge景色………….…正~~~
其中有幾個大浪ge浪花仲高到我地所坐ge地方添, 令我ge褲腳都濕埋.

之後, 我同七哥又走到去另一邊較近水ge地方影相, 由於呢個位置一直都無大浪擁到, 所以我地係度傾偈同影相, 正當我背向海邊ge時候, 七哥一句小心, 我即刻回頭見到大浪擁至, 我地兩個即刻走上較高位置, 但係由於水位突然上漲差不多一米, 所以我ge左腳亦都濕至小腿中央. 好彩條褲好快乾姐.

之後我地係回程迤中經過最後一個景點----佛手岩. 由於大家興趣不大, 所以未有影相便立即回到碼頭.

由於到達碼頭時只係五點左右, 所以我地坐係碼頭等待一個小時後才坐船回程.

可能由於太曬同之前太夜訓ge關係, 我地全部都係船同埋回程ge車上面訓覺,
最後,我地係銅鑼灣大排檔快速咁食完晚餐就各自回程lu~~