有時預錯時間, 所以諗都唔諗, 走去麥記極速進餐。

有時時間唔夠, 買麥記上車開餐。

有時好窮好窮, 果個月不如食麥記渡餘生。

有時諗『食乜好呢...唔想食飯又唔想食麵...但唔係又麥記呀 fa ...』。



果日去大一上堂之前, 又試係唔多情願咁走o左入去麥記。
好耐無食過 D 咁辣口既麥落溪。
食完雞準備食薯條, 視線過O左去隔離臺既辣妹身上。
佢係果種好巴辣好勁小姐脾氣既七八九歲妹妹, 唔知點解, 總之望住佢我就諗起細個果陣時既我。

以前死 LUR 要食麥記。
以前要同個妹爭取較大忽既『薯條勢力範圍』。
以前擺晒 D 麥記玩具出黎, 好威水。

情況就等如簡東拿、周杰倫、椎名林檎、龍珠閃中閃、乜乜戰隊乜乜魔神傳、POLO 綠黃色 polo tee 同埋屋企樓下 D 公園。

原來我曾經咁鐘意過。