都差不多有兩年了，嚷著要買條黑色窄身褲和一個好鬼大的袋，還沒有買到。對於這兩個我極為關注的項目我揀揀揀揀了兩年都還停留在恨的階段，好明顯，這解釋了我並不是濫交的人。但這一個寧缺勿濫又不能否定我慾望的泛濫，可能我其實好鹹濕好想每分鐘都有濫交的氣味充斥著睡房廁所。

決心要買的兩個東西沒有買，但錢沒有令荷包肥起來，那麼，那幾件新恤衫算甚麼。二奶？痴線，女都未有何來情婦。哦，廿幾歲人無女友，唔死都當你透明，那幾件恤衫可能就是你上網想 download 好戲好音樂點知今日無新貨，悶起黎唔知點地順便 click 入去下面隔離果行 shopping 時借勢埋 counter 俾錢的前嵨美步騎乘位 real format 影像檔。係無計劃地執到快樂，係愛上一個原來其實也可愛的人，係一秒或者稍長的驚喜歡愉。人往往都缺乏自制力，女人（這是硬道理）尤其是，我們買買買結果買到一屋都係前嵨美步騎乘位，偏偏最想得到的，真正可以填補心靈的，就無緣無份只差一點點。

唔覺意買o左o野，就即係靠兩隻手幾塊紙巾，暫且半呃半 tum 得過且過滿足自己的購買慾。雖然錢有盡而慾不斷，但到今日我都堅持，自慰隨緣但唔可以召妓。細細個屋企都教要靠自己，要靠阿姐姐收你錢然後仲吩咐佢開工時要細聲耳語淫聲浪語同你朗誦 baby∕老公仔∕好勁呀∕好舒服？買假 LV o既人就係要靠人家制造幻覺先呃得到自己，佢o地唔止得唔到想要o既o野，就連自我哄編都假手於人。

LV，我不希罕，也沒有假 LV 貨。但關於我想要乜，我仲未曉得點答。似乎叫雞的人比我優秀。