2004-05-09 23:50:00ML
睇
抗拒睇 因為唔妥英國, 的唔起心肝睇 <大城小事> 除咗因為唔愛國亦因為對黎叔叔嘅愛情片無興趣; 終於睇咗, 發現佢根本唔係港產片。之前講過無粗口嘅男人戲其實唔真實, 但睇 <大城小事> 令我得到另一條 formula - 一級電影, 即係適合任何人仕觀看果 D, 叫做童話。所以 <大城小事> 就係一個大陸童話。得啖笑, 苦笑。
先講美術, 以一流嘅色彩配搭為人流極小嘅一個上海上色, 真係靚, 但我好唔明白, 不斷嘅上海剪影其實所謂何事。最靚果套戲叫做 <花樣年華>, 蘇麗珍 (張曼玉) 買麵、周慕雲 (梁朝偉) 食煙, 呢 D 係用黎建立角色形象, 2046 號房係一場戲嘅場景; 但大城同埋小事之間到底有咩關係, 我始終睇唔到。當然最反感係大團圓時嘅煙花匯演, 無關劇情地去賣弄視覺效果, 換黎大字三個叫做好礙眼。
關於劇本, 片尾字幕之中, 負責「故事」係老闆黎明同導演葉偉信, 然後「編劇」又另有其人; 到底係編劇先生無能要兩位幫忙諗故仔, 定係只有佢哋兩個至有能力諗得出一個「咁有創意而橋段又咁死新穎」嘅故事呢?
人物性格描寫零分, 戀情深刻度淺到睇唔清楚, 劇力不痛不癢, 睇黎明溝女繼續令我失笑, 王菲慘變超級花樽... 一句說話: 我竟然由頭到尾一次過睇晒, 算相當唔話得 (菲媽, 時間寶貴, 接拍前宜留神劇本...)。
+ 早兩日睇咗香港電影評論網一遍; 今日睇完 <大城小事> 之後, 真正感受到港產片面臨嘅威脅 - 唔係無工開, 但以後明星開工拍嘅戲, 我哋好可能會失望, 甚至懷疑自己係咪睇緊港產片。
++ 唯一可以讚嘅係配音, 雖然國粵語對白內容有唔少出入, 而粵語配音嘅 timing 亦未算完美, 但相比一大堆配音電影, <大城小事> 算唔錯。
先講美術, 以一流嘅色彩配搭為人流極小嘅一個上海上色, 真係靚, 但我好唔明白, 不斷嘅上海剪影其實所謂何事。最靚果套戲叫做 <花樣年華>, 蘇麗珍 (張曼玉) 買麵、周慕雲 (梁朝偉) 食煙, 呢 D 係用黎建立角色形象, 2046 號房係一場戲嘅場景; 但大城同埋小事之間到底有咩關係, 我始終睇唔到。當然最反感係大團圓時嘅煙花匯演, 無關劇情地去賣弄視覺效果, 換黎大字三個叫做好礙眼。
關於劇本, 片尾字幕之中, 負責「故事」係老闆黎明同導演葉偉信, 然後「編劇」又另有其人; 到底係編劇先生無能要兩位幫忙諗故仔, 定係只有佢哋兩個至有能力諗得出一個「咁有創意而橋段又咁死新穎」嘅故事呢?
人物性格描寫零分, 戀情深刻度淺到睇唔清楚, 劇力不痛不癢, 睇黎明溝女繼續令我失笑, 王菲慘變超級花樽... 一句說話: 我竟然由頭到尾一次過睇晒, 算相當唔話得 (菲媽, 時間寶貴, 接拍前宜留神劇本...)。
+ 早兩日睇咗香港電影評論網一遍
++ 唯一可以讚嘅係配音, 雖然國粵語對白內容有唔少出入, 而粵語配音嘅 timing 亦未算完美, 但相比一大堆配音電影, <大城小事> 算唔錯。