實習過了一半,真係十分之辛苦! 又要返工,又要實習!雖然辛苦but實習真係令我學到好多野,可以不斷train up自己見case既skill(當然而家都做得唔好)! 而家反而非常之擔心個小組,因為宣傳左個幾星期,只有1人參加,原本今個星期四開始,而家要改下個星期! mass program好彩係食左現有同事的program,唔使太擔心招募情況!
講下中心,近排真係好鬼死煩,都唔知點解ya既更表可以攪到咁混亂,搵成四萬幾蚊人工既人連呢d都做到咁,真係慚唔慚愧呀!? 雖然各個同事有唔同的要求,係有難做之處,但set好個rules咪得囉! 自己都亂七八糟點說服人呀!! 當然仲有分工事件,其實到而家我都唔係太理解3/2or 4/1有咩分別,但係算把啦,既成事實,我亦已儘力,唯有諗下點安撫兩位同事!(因為兩個都想3/2,而家咁樣令佢地都唔開心)! 無辦法,只好試一排睇下點! 冇計! 出來做野好多時都要面對呢d問題,大家唯有學識接受,往往好多事都唔係o係我地意願之內! 總之盡力做好自己! esther話我對某d人既語氣好盡,我都知,我對住d會員可以好有耐性好有心機,但對住d咁既人,我完全俾唔俾到耐性,見人講人話,見鬼講鬼話,搵佢傳達訊息,哼,唔知傳左d咩! 又成日左搖右擺,做野又完全唔得,唔盡心,最記得kenneth話佢o個一幕, 我同文迪笑到死左! 算吧, 佢既衰野講足十日十夜都講唔晒! but近排都有開心野,就係每年我加多左6日假期,即係一年有廿四日假,勁開心呀! 原來做左8年就有年假加!勁勁happy!!
講下朋友仔,近排同一個無見十幾年的朋友聯絡返,感覺幾好! 佢就快結婚仲搵左我做姊妹! 雖然佢成日都擔心我地以前唔開心既事,但其實我冇野,都十幾年啦!又佢過去啦! 況且我都唔多記得lu.....but近排見佢忙到痴線,成日要周圍飛,真係替佢辛苦! 加油呀!!
好啦, 我都要加油呀! 努力!! 因為我近排都覺得壓力好大!! 好辛苦!!珊珊努力呀! 加油!!