[東方日報]

林嘉欣宣布與唱片監製陳光榮墮愛河後心情勁靚，前晚與鄭伊健、胡兵及吳日言等齊集中環餐廳開工。春風滿臉的她儼如花蝴蝶滿場飛，更與胡兵雞啄唔斷，戀愛中的女人果然零舍唔同！

嘉欣前晚繼續為新戲開工，拍攝宣傳短片。劇情交代飾演餐廳經理的她，與友人大開派對作樂，同場出現尚有其「前男友」胡兵。據悉，在台灣出道的嘉欣與胡兵可謂「同聲同氣」，未埋位即以普通話交談，二人異常投契。一向健談的胡兵，更頻逗得靚女發笑，氣氛相當融洽。

伊健否認牽紅線
由於拍攝大場面的關係，其他演員曾志偉、曾國祥、陳文媛、葉山豪等相繼出現，熱鬧非常。等埋位的鄭伊健步出餐廳時，發現記者在場大感愕然，身為陳光榮好友的他，對於被傳「牽紅線」，伊健聞言笑謂﹕「黐線咩？梗係冇咁o既事。（咁係咪一早知佢地拍拖？）唔話你聽。」

此外，陳光榮被追問喜歡林嘉欣哪一方面時，他僅作簡短的回答說：「唔想講，只要兩個人一齊時開心就得啦。」