[東方日報]

劉德華、林嘉欣、陳曉東昨日應邀出席由《東方日報》有份協辦的「2004馬石油上海國際汽車街道賽」，其中一項賽事名為「宋慶齡基金會」明星慈善賽，華仔、嘉欣和東東以賽車手look擔任開步禮嘉賓，華仔乘坐開篷甲蟲車由三十個公安人員護駕下出場，極具氣派，而嘉欣和東東則被安排乘另一輛車隨後，車隊在一片歡呼聲下繞場一周。

現場還見到有日本美少女之稱的後藤久美子，她的夫婿阿里斯亦有落場比賽，所以她在旁為夫婿打氣，雖然後藤久美子已為人母，但身穿吊帶背心裙的她，充滿青春氣息，一臉容光煥發。而有份參賽的于榮光更贏得獎杯。

林嘉欣被拒出賽

劉德華坦言本身很鍾意賽車，但平日他開車好慢，以安全為主，華仔笑說：「以前試過玩賽車，但包尾而回，（點解今次唔出賽？）怕自己好勝心強，搏晒命會好危險，不過我好想去摩洛哥賽車場玩，果度同澳門好似，有好多彎位，但好安全。」

嘉欣則直言曾要求落場賽車，但遭經理人指太危險而阻止，她笑說：「我好恨著賽車手衫，所以今日好開心，頭先我坐係賽車手隔籬繞左個圈，我對手要放係膝頭哥唔准亂郁，鼻哥痕想抓都被人喝止。」東東則坦言好喜歡賽車，可惜沒有時間當業餘賽車手。