[東方日報]

愛情片王后林嘉欣昨日接受電台訪問，談及難忘的約會，原來嘉欣第一次同初戀男友約會時，鬧出不少笑話。

林嘉欣邊說邊笑話：「果次係第一次同初戀男友約會，我之前食過蝦蟹，所以皮膚敏感，腫到成個豬頭咁，但我都照應約，我就專登揀左間好暗既餐廳同埋帶左一本雜誌去，因為臉部浮腫，所以我全程唔敢食，不停用本雜誌遮住自己塊面扮睇雜誌，其實我不知幾肚餓，之後我地就拍拖，但其後又分手，不過而家仲係朋友關係。」

未有追求者

問到嘉欣心目中的理想約會方式時，嘉欣就一副憧憬的說：「係幸福摩天輪度見面，約會時間係黃昏日落時，對方送親手整既日式料理同錄音盒帶送畀我。」

嘉欣笑言至今仍未有追求者，可能外間覺得藝人較難接近，幸好她目前不渴望拍拖，以事業為重，她不覺得因為她的緋聞關係而令有意追求她的男士卻步。