[太陽報]

林嘉欣昨日出席情人節活動與Fans玩遊戲，期間有男 Fans向嘉欣朗讀一連串肉麻宣言時，嘉欣絲毫不覺得骨痹，還大讚他們有創意，更流露出一副甜樣呢！其後，她與勝出的男Fans齊齊造手蠟，玉手任摸。

林嘉欣昨日以「情人節大使」身份，出席在銅鑼灣舉行的《Neway 嘉欣與你二月十四的約會》活動，與在場數十名Fans作親密接觸。嘉欣與男歌迷玩遊戲及拍照留念，其中一個遊戲是五位男Fans分別向嘉欣朗讀肉麻宣言，有Fans念出「如果我係衣架，希望你係掛係衣架上面既件衫。」聽來雖然骨痹，但嘉欣就覺得極具創意，還表現出一副甜樣呢﹗

至於勝出的Fans有幸與嘉欣齊造手蠟，令其他Fans呷乾醋，該名男Fans觸摸嘉欣玉手時，顯得得十分怕醜，反而嘉欣則落落大方。

問嘉欣有否收過歌迷送贈的情人節禮物，她說：「收過佢地送既自製手工卡，同埋手織頸巾，仲貴過畀錢買架！不過我會叫Fans唔好送朱古力畀我，唔好害我，就算有人送畀我，我都唔食，因為係我既致命傷。」

收神秘玫瑰嚇窒

至於最深刻的情人節禮物，她說：「讀書時收過冇署名既五百朵玫瑰，之後有個男仔打畀我，我問係咪佢送，佢只係『嘿嘿』兩聲，又話我唔講你知，以為係佢，點知隔左一段時間先知原來佢係冒認，我唔同佢做朋友，因為覺得佢好兩面。」然而她亦沒有與真正的送花者拍拖，她說：「唔鍾意佢，佢有送音樂盒畀我，但我退番畀佢，唔鍾意人就唔好亂收人禮物，我諗佢好傷心。（d玫瑰花點？）其實我係俾佢嚇親咋！我叫同學分晒d花囉！因為擺唔落。」