2014-11-13 19:22:34Olives醬
《渴罪》
《渴罪》
【 驚喜cult 片 】原本以為《渴罪》都係一般懸疑推理片。但係比想像中更好笑，真係笑得出。
睇咗咁多套中島哲也導演的戲，佢能駕馭文字小說，拍出日本社會文化同cult味，真係好難得。特別能帶出日本小說中極黑裡反白的矛盾心理（日本小說家都很 辛辣 ），推理懸疑唔係簡單報仇和殺人場面咁表面，係一種深層次拖人入地獄張力。正如《恐懼鬥室》系列，令帶動觀眾情緒覺得有些人抵死，同時感到他們很可悲，一 切都係因果。人物雖然挎張少少，但一點不離地，有血有肉。
中島同時執唯美境頭入去反高潮，玩下嘢。正所謂做個行嫌個行，拍得廣告和MV多，就特別憎假和諧同商品式美好，買間屋＝有美好家庭。大人面對自己錯，是可等難堪。
近年，睇了很多對《愛麗絲夢遊仙境》比喻年青人濫藥問題，如果用這點去想發覺，真是好好比喻，裡面還包括尋常父愛。所以這裡很點到即止輕輕帶過，其實舊世界童話故事好殘忍，XDD 唔係單講美好的事，同現在洗腦教育和商品化童話兩回事。
每次出了劇院，中島手上作品，令人我細味人物關系和場景。但《渴罪》好難同《告白》比，《告白》更講到社會層面上的教育和父母的失敗，不過《渴罪》後半部 CULT味係《告白》無的，非常驚喜。不過以中島導演的戲來說，本人最喜歡還是《花樣奇緣》（日語：嫌われ松子の一生）劇本，佢人生咁仆街都未想死，父母 離異，父親是痴線佬又算得係咩。
裡面提及過絕對自由，絕對自由是好還是壞？
分辯之前，想想什麼是自由。
物質世界自由還是心靈自由。
她口中"自由"只是內心空洞寂寞，"渴望"用什麼填補。
上一篇：《字裡人間》