2014-06-07 08:00:04Olives醬
推JOB
感恩有個好parter, 支持我一嘢推咗單project。
事原有單嘢想我2日出6個design，1日revise, 只預4日印刷，仲話要對色再印。
（叫我18號交到佢手上）
之前幫過2單我已經係EMAIL同呢班客講，預時間太急，無時間develop，仲要預時間對字revise. 印刷要預一星期，給跟印刷同事去了解成件事，對色對稿，零出錯先出街。
有時間態度真是硬，
先教育到個客明白：『唔係唔幫你，是唔想答應一些做唔到既嘢 』
時間一急，字可能會錯，OUTPUT FILE 可能錯，印刷可能會出錯。例如不夠時間乾拖花咗個稿。出到結果大家唔開心，咁為咩？
大部分的客不停叫做咗先，到出事就懶話designer無講過，明明講N次會出事。
( design工作好多鑊氣，而且好受靶)
而且呢啲唔係錢問題，
（就算舊錢可以COVER 成年人工都係咁話，就算收得十蚊我都會想件事好 ）
係責任，係值唔值得的問題。
值不值得為咗唔開心的結果，去熬三晚通宵。
仲碌人情卡叫印刷打尖快印，仲要可能因為急印衰，又要人通宵開機翻印。
因為第一份工已經要直接對客，直接傾價，直接跟印刷。
一邊要顧及設計問題，對這行感覺不多唔少有使命感，
亦覺得有責任去讓客人明白，令件事順啲，大家早些放工回家。
不過無奈，總有客"不情願"明白，次次唔急唔做，按個掣一日即做起。
曾經有舊同事同我另外一個朋友爆我以前廿二三歲就開始鬧客。
因為我真是少數的designer 第一份工已經直接對客跟客，直接傾錢跟印刷。
有時年少氣盛，未識處理太無理的客，仲要我係唔識吹水的人。
答應得一定要做到，但唔答應就向我老闆投訴。
（個時好慘，停不了通宵，成個月日日零晨四點放工，係公司病到狂嘔 ）
不過都係以前的事，
現在又不是同我一起工作，講呢啲無意思。
評估過急需幫手，但可處理，都會盡力幫。
無沒必要急（仲要用錢拋我，而有些客我又驚你事後唔找數 ），
不如我"認我做唔到"一嘢推咗去算。
無謂為啖氣，大家辛苦。
也感激身邊很多工作上，夾到的好客，好伙伴和好朋友。
大家知我咩人架啦，
唔會無料扮四條，亦不會吹到自己五條筒花。
我是三條，我就想人地知我是三條。
每次盡全力付出成長到四條回饋我身邊的人。
唔會講到自己五條筒花但比得三條人。
雖然這世道很多人認為能夠三條吹到六條就等如叻。
( 呃到人，就當賺咗 )
當人地預六條，就只能給人三條。
而我好彩，我partner 都係三條交四條，唔會亂答應客的人。
有好幾次，有些客／人（都不能再說是“朋友"）離間我同我partner，都不攻自破。
上一篇：扣工資
<a href='http://www.areainjuries.pw/184718.html '>戰鬥紙牌遊戲下載</a>