十月放假, 不過真正屬於自己的時間,又唔算多.  係頭嗰幾日同Leo去咗澳門,今次撘船好暈,可能好耐未撘過掛.....首先去咗一個無人的漁人碼頭,好無聊ar.  跟住入咗第一個賭場-金沙,淨係見到啲KFC同Mc記貴過出面一倍囉,同埋食咗個廿幾蚊既雞肉拉面.  跟住都係去咗幾個賭場,有永利,MGM同威尼斯人.  永利就多名牌囉,仲唔俾我著背心;MGM就有隻獅身人面像;威尼斯人好大吓,有條運河貫穿成間酒店,比較似Les Vegas啲酒店,有啲氣勢.

我地去咗食豬排包,不過一啲都唔覺好食;木糖雪糕又無咩特別;係夜晚係新蒲京食啲自助山比較抵食,二百五十蚊一個人,款式應該比香港任何一間自助餐都多.  我地今次住一間好普通啲酒店,叫利澳.  第二朝我個澳門fd加入,叫Jose,mix黎ga,九點鐘己經係大馬路等我地,一齊食咗個義順牛奶啲早餐,上咗大三巴(又係無聊嘢),跟住行去觀光塔,原來要80蚊一個人,不知幾貴,上到去無錯係睇到澳門全境,但係又真係貴咗少少喎.  撘巴士番市中心食葡國菜,其實一啲都唔好食,不過算把喇,旅行係咁嫁喇,之後就回港.

除咗出席我呀爸同信欣個安息聚會,有一日行之外,之後為咗搞旅行啲嘢都用咗幾日,因為本來諗住去九寨溝,點知我阿哥無回鄉証,唯有去其他地方,最後係無選擇中去咗韓國,除咗濟洲島睇風境,韓城本身都無咩睇,因為係一個城市,除咗食Pizza Hut開心之外,啲嘢都唔啱食,咩都無買過,個導遊服務又差喎,俾晒小費之後就亂篇航機座位,搞到我不知幾麻煩.