兩個多月無打喇,因為自從要考CFA後,可以話個人係無停低過,一直都run緊,唔會有機會坐抵對住部電腦三十分鐘,又係嗰啲撘地鐵,食lunch,dinner都攞住本書讀,每晚都三四點先瞓的日子,我而家己經讀晒Schwester既material,可以番轉頭讀CFA既書,最後一個月淨番黎做pastpaper.

Kelvin有日話我好有determination,將來一定會有reward,其實我淨係知道我好唔想做audit,真係自欺欺人,人工又低,唔受人尊重,對社會無頁獻,扮professional但係樣樣都半桶水,最慘係啲上司會覺得自己好醒.

二月份,同Shirley Wong落咗兩星期荃灣Evergreen,又去咗一個星期浙江,算係個engagement中最最開心既時刻喇,番黎一陣我又回到呢隻IPO既懷抱,上咗兩個星期泉州,今次住係悅華酒店,所以無得同上次宝龍酒店個gym room trainer吹水,反而我今次轉咗場,去咗TopOne lounge同幾個bartander吹水. 有個星期日client帶咗我地去廈門玩,去咗鼓浪嶼,其實不過係一個島,無嘢睇,不過啲沙都幾靚既. 咁就差唔多過咗成個三月份喇.

呢兩個月,差唔多無見過fd咁滯,好似淨係見過Teri同Tony(?),不過都做咗一啲好耐無做過既嘢,好似去Element鴻福堂飲湯,去九龍城食牛肉餅,去赤柱食壽司同Pizza Express,夜晚十二點幾係銅鑼灣食蕎麥面.

今次我一個人又黎泉州,留一晚,今晚又返香港喇,不過好彩隻job都近尾聲,下一隻job就開始咗planning,所以而家算係比較輕鬆既時期,可以上黎打幾隻字囉.