我返咗黎香港一個星期喇,因為啱啱兩日前先忙完,而家先至放心揾大家,可以黎打吓嘢.

因為最後一個星期係泉州,我地manager都係度,所以大家都好緊張,而個client又諗住係農歷年前入表上市,你地都知大陸人幾早放農歷喇,佢地要時間返鄉下,一月尾公司己經無晒人,所以我地實質做嘢既時間真係好少,日日都做到好夜吓喇. 加上我地有個SA1非常唔得囉,佢又番咗香港考試,咁真係”雪上加霜”喇.....

提開天氣,都知大陸今年有幾嚴峻喇,雖然無時間睇新聞,但係都知道交通大受影響,幾驚返唔到香港,不過好彩福建省無咩受都霜雪侵襲,只不過真係凍都震囉,酒店有暖氣就無事. 今次住酒店,有一樣開心既事,就係識咗個gym room trainer,我最後一晚同佢一齊食宵夜,俾咗MSN佢囉;有一樣好憤怒既事,有一晚我返到酒店,準備攞起支酒店供應既水飲,我見支水有一半喇,可能係我之前未飲晒. 但係我又唔小心,倒溜咗支水,咁我一掂到啲水唔覺得有啲唔妥,特別冰涼既,聞上去重有一陣味,咁我即刻洗手喇. 我就打電話俾總機,叫個manager上黎,佢幫我調查完,發覺呢支嘢係啲工人留底咗支消毒火酒係我間房,而啲酒精竟然放係一個同礦泉水一樣既樽入面,我即刻嬲到勁鬧個manager.....

個客星期二入form,夜晚同我地3個party一齊係Grand Hyatt食飯,但係因為間律師樓俾嘢遲,個客好唔like佢,所以無叫佢地黎食喎,咁我呢個小角色可以參與呢個飯局,同UBS & JP morgan班sponsor食,不過由七點食到十一點,真係好辛苦,睇住班人對酒,重辛苦囉.....

十二月個CFA試pass咗吖,會六月中考level 2,所以要更加努力呀~~~