係香港過咗一個星期後,又要上番去,不過今次唔係泉州先,係自從上次同Cora番黎,一直都無去過既上海. 今次因為要去虹橋機場,所以要由九龍機鐵站坐直通車去深圳機場,先至有機直飛,到步後同林副总會合,就出發去一個係上海既運動鞋供應商,我地係一邊食飯,一路傾,最後睇吓生產線,原來自己真係好唔熟練囉,哈哈....
跟住撘咗一個小時多的車去蘇州,探訪一個大型的服裝生產商,有成4000幾個工人,幫Nike,A&F,Levis製衣,我去的時候係造梗08年既夏天衫,呢間台資企業,真係好有規模. 都五點幾,我地又番上海,住一間叫Westin係酒店,係外灘,真係好靚,間房重大個我屋企,有玄關,有好大的浴室.....上网要120蚊晚,食自助餐要300蚊囉,重驚係住一晚要2500蚊,另收15%服務費唔包早餐. 食完嘢個客同咗我去外灘行吓,有啲凍,大霧,不過仍然咁靚, 之後我自己參觀酒店個gym room同泳池,真係.....
第日同個客一早飛廣州,去咗中山同東莞兩個供應商,不過時間太緊逼,林副总要趕機番泉州,而我就梗係趕番屋企. 因為我過兩日又上番泉州,即係而家我又係酒店喇.....又俾我撞番以前大學同學阿煥,幫另一間公司上市,晚晚做到兩點幾,正呀....