好懶呀,而家越黎越少寫diary,因為做嘢/做gym/飲嘢/搞嘢都好夜吓囉....另外,股票呢排跌,蝕咗萬幾蚊,不過都無咩所謂,反正都唔會賣

係不知不覺既情況下,又要上番黎泉州,係香港係日子還算可以,都未到真正好忙係地步,但係呢個並唔係好情況,client俾嘢慢,我地之後既日子仲辛苦. Anyway,上星期五終於打咗個八號風球,原來己經有成3年咁耐無打過,當我同Kwan係exchange square既Triple O食咗個$70既漢堡飽lunch後,公司好似好混亂咁,原來天文台話會打風喎,大家好似食錯藥唔使做咁. Anyway,四點半落到香港站,好似打緊仗,車箱好焗,搞咗成個鐘先番到屋企.

不過都有啲高興既事,就係因為打風同個client俾嘢慢,所以可以遲啲上黎,就番到青聚同禮拜,不過仍然都係miss咗受浸聚會,好可惜喇. 另外,可以同Michael食Ruby Tuesday(原來我張VIP卡仲用得),之後睇Transformer,都幾刺激,之後又去咗佢度睇predator 2 喇.

Anyway,星期日下晝機上黎,番到酒店己經九點鐘,但係都好無奈咁要同班人食飯,仲無奈係有日stocktake,上晝太陽好晒,我點既钢材都係室外,好辛苦囉,不過同班工人一齊有幾過癮,然後個晚又要同個臭串係四五十歲既人食咗兩個鐘飯,仲要話去茶道,真係想死. 而我係呢度既工作又好趕喎,前幾日都係成兩點幾先有得瞓.

我想走呀!~