尋日係萬聖節，
但係因為太攰嘅關係，
所以夜晚都冇出到去，
冇幾耐就瞓咗。
瞓到十一點度，
趙樂樂打電話問我去唔去肥騰屋藍地屋企度玩，
我冇野做，
所以都係去咗。
去到建生等0個陣先知連埋我先得五個人去，
(其他人仲有肥騰、M巾同埋arron。)
跟住買咗D啤酒同理花生就坐的士去喇。
不過去到之後都唔知有乜好做，
所以就成班人響房度齋傾計就算，
(都有飲到啤酒，
但係金威牌就真係…)
都係講吓自己D野同理班上嘅事咁喇。
(當然的是，
內容是保密的。)

之後因為大家都太攰，
所以五點幾度就大家都瞓晒喇。
(成五個人瞓一張牀，
頂唔順之下就落咗地吓瞓。)
不過之後除咗因為冇枕頭同被攪到好凍之外，
響七點零鐘重有蘭西叫趙樂樂去聽talk嘅零聲，
攪到瞓到十一點幾醒咗都重係冇乜精神。

返到屋企之後瞓咗一陣，
跟住就去咗補econ，
好多野都唔係好熟。
(我發覺econ唔好嘅原因大部份係自己maths 底唔好所導致，
睇黎真係要多多發展數理方面思考先得。)
跟住補完之後就去咗食飯，
食完飯之後都成八點幾，
所以就冇去自修室而直接返咗屋企喇。

不斷咁發覺自己越黎越需要努力嘅同時，
精神不足令我更加知道足夠睡眠都係好重要，
兩者之間其實要選擇取捨其實都幾困難，
只望自己爭氣。

to發：不完美是一個完美的人必定有的特質，
你要追求完美的同時，
你只會發現自己越來越不完美的。