尋日0個場激列球賽嘅後遺症出0黎喇！
腳部肌肉酸痛、頭暈令我連行返學校都有D困難
(可能係尋晚瞓得唔夠喇…嗚…-0-，
今朝起身先發覺自己腳趾都腫埋…)。
返到學校之後，
見到Eunice佢都好唔舒服，
個樣好辛苦咁。
(係咪呢排溫到剩返好少時間瞓呢？
小心身子呀！
而家要keep住有充分體力去令自己溫好書架~~)

今日上堂都係同平常嘅冇乜分別，
只係今日多咗D腰酸骨痛陪住，
所以好難先集中到精神。

lunch就成班去咗食車仔麵，
但係唔知做咩呢兩日車仔麵檔都克住趙樂樂咁，
尋日就比飛仔逗，
今日竟然響門前突然間勁流鼻血！
佢連自己都唔知做咩事就流，
仲要攪到食唔到車仔麵，
要去附近間ok買麵包頂肚。
(睇黎趙樂樂都同車仔麵有緣無份架喇，
不過聽日食繼續食車仔麵嘅機會率好高，
你都係去第二度吧喇~)

食完晏返到學校，
上到去三樓，
正當人人都談論趙樂樂鼻血之謎0個陣，
怪事發生喇！
張志良竟然響毫無先兆之下流鼻血！
(點解大家都會咁” 準時到” ？
唔通張志良想證明佢係一個”真”女人？
明仔個姨媽” 令女” 唔通探錯隔離？)

放學之後都係有去溫書，
但係今日因為多人去嘅關係，
一架的士載唔晒，
所以八個人就行去市中心溫書喇(攰攰攰)。
但係其實只有一半人係真正去溫書，
其他都係行到一半就走咗喇。
(譚鋒…)

今日因為冇乜精神，
所以集中唔到溫書，
做咗geog之後睇多幾版notes就走喇(M巾話去買筆袋，
但係佢都唔似係想買咁樣…)。

今日其實都同平常日子冇咩分別，
大家都係一樣咁樣嘻嘻哈哈，
但係就係咁平常先至要珍惜，
如果唔係就會對生活感到麻木，
提唔起勁。

Look,
Sun will grow dark,
The moon will no longer shine,
The stars will fall from heaven.
But,
The light will be among you a little longer,
Continue on your way while you have the light,
so that the darkness will not come upon you.
Not like the one who walks in the dark, for which does not know where he is going.