導遊是日金句:
“不到長城非好漢, 一到長城一身汗”
.........................
俗到嘔ar~!
無奈,
卻令我留低深刻既回憶... ...

因為搵唔到其他團友既關係,
呢張相係隨意搵左一位坐係街邊既阿叔幫手影既,
係second take.
之前the first take個陣,
我地本身已經擺晒post, set晒機,
諗住請位阿叔禁掣就ok啦,
點知影完之後,
個阿叔又話唔對位, 又話影得唔靚ar咁,
硬要幫我地影多張~!
是但啦, 咪再影囉~
點知影出黎又真係靚過之前個張多多聲喎,
我地兩個就好開心咁多謝人啦~!

正要離開既時候,
我地經過個阿叔“坐鎮”既地方,
佢隔離有張枱仔,
上面擺住d野好似做生意咁款,
我於是八卦行過去望左兩眼,
見到擺住好多同我地呢張差唔多既相,
而枱下則有三腳架, 相機袋之類既工具,
我先醒覺到,
幫我地影相個位阿叔,
原來係個係度搵食既專業攝影師... ...


ps.好彩佢冇收我地$............