妹妹估唔到，會遇到一個咁嘅哥哥，亦估唔到有一日會咁在意佢。

妹妹第一次見到哥哥，覺得佢系個好好玩嘅人。果陣旅行社嘅車壞咗，成個團都落咗去幫手。
“學生”身份嘅哥哥同妹妹就坐系車度睇住出邊嘅落日。
沙漠嘅緯度高，所以落日特別晏。
哥哥打電話俾佢親生細妹：“喂鐺鐺啊，你做曬作業未啊？”
妹妹聽到果邊好大聲一句：“哥哥啊！做曬啦！快訓覺覺啦！”
於是哥哥好開心咁話：“我地哩邊太陽都未落山啊！”
妹妹聽到好得意嘅一句：“蝦？乜有兩個太陽gar？”
妹妹即時笑到“哢哢”聲，哥哥好嚴肅咁話：“妹頭，有兩個地球……”

果陣開始，佢地就成日一齊玩。
每去到一個景點，哥哥就陪妹妹執好多好多唔同嘅石仔。
有日妹妹執到舊好似山嘅石，死都要話系昆侖山。哥哥行開咗一陣，跟住攞咗兩舊石翻嚟：“嗱，祁蓮同峨眉山啊……”
妹妹好開心咁收起三舊石，仲逼住哥哥托住佢地影咗張相。

哥哥會靜靜雞幫妹妹影好多相，然後俾妹妹逼住一張張刪。
有日撞到沙漠好靚嘅落日。咁岩果日台車又系壞咗，於是成車人落咗車影相等司機換車呔。
成個團最細個亦最好玩嘅兩個大人落咗車，見到咁靚嘅景，好開心咁擺曬好懷舊嘅pose叫哥哥影相。影得好靚好靚。
然後叫哥哥過去坐低，又令轉頭叫妹妹：“瓜瓜，你都去埋一份啦~”
妹妹好無奈咁坐系哥哥隔離，跟住聽佢地兩個嘅指揮，將頭挨系哥哥膊頭度。哥哥亦好細力咁搭住妹妹個肩。
落日真系好靚，影出嚟效果更加出衆。兩個人嘅背影系黃昏沙漠度，第一次顯得好襯……

旅遊快結束，哩個時候妹妹先發覺，自己好唔捨得哩個大哥哥，成日都會記起佢地一齊打pair，吹水，講笑嘅時間。
突然系纜車度，一個教過哥哥嘅Miss問妹妹：“你有無中意過吖信啊？”
妹妹成個人牛咗，無答到果個姐姐。
佢好認真咁同妹妹講：“吖信哩種人，口花花又唔肯博，讀高三都讀緊第二年，佢E家已經有個女朋友，而且佢系學校，追女仔追到出曬名……同佢做朋友可以，做好朋友都無所謂，但系萬一應承咗佢，好容易俾佢傷害……”
妹妹咬實嘴唇，無出到聲。
哥哥真系咁嘅人？佢好驚。

之後果一日，佢地仲系一樣相處，但系哥哥講嘅每一句說話，佢都唔太相信了。
終於系臨走嘅時候，哥哥好似平時咁摸摸妹妹嘅頭。妹妹唔知點解好內疚咁dup低頭。
哥哥攞出個盒：“送俾你gar~傻妹。”
妹妹就直到哥哥落車翻屋K果刻，都無望過佢一眼。

翻到屋K，妹妹突然覺得好唔慣，唔習慣身邊無人一直注視嘅感覺，唔習慣無人摸摸頭嘅感覺，唔習慣日日系屋K冷冷清清嘅感覺……
哥哥送嘅銀首飾盒，全部裝住佢地兩個一齊執嘅五顔六色嘅石仔，每一粒，來自唔同嘅地方，帶住唔同嘅記憶。
妹妹成日睇電視見到沙漠，見到夕陽嘅時候，都會傻傻咁睇好耐好耐，回憶起同哥哥一齊行過嘅每一日。
佢仲記得果日個大姐姐講嘅：“雖然同佢一齊只系幾日，但系短暫嘅開心總比長久嘅傷痛要好。”

……
突然得到哥哥嘅消息。
果幾日，妹妹一直同哥哥傾計。
妹妹覺得，就算俾人厄，都無所謂啦……

有一晚，哥哥同妹妹講咗一個古仔。
妹妹就坐咗系度成個幾鍾，聽住哥哥講佢同佢第一任女友嘅故事。佢話佢一直等住Angel，雖然愛無可能回頭。
妹妹一直都唔知，原來哥哥咁中意一個人。原來曾經，佢地有段咁難忘嘅回憶。
佢突然覺得，哥哥心目中有個人，一直處於無可取代嘅地位……
突然覺得，自己再唔系佢心目中果個又純，又傻，唯一嘅一個……妹妹……

果然，短暫嘅美好縱使再美好，仲系短暫到令人窒息。

妹妹一直系度林，哥哥同Angel兩個嘅故事。
林果個唔屬於自己嘅浪漫故事。
佢有時會覺得，如果一世只系好似佢地相遇果幾日就好啦。
但系……就算只有一日，哥哥嘅世界裏邊，仲系會有13個鍾會挂住Angel……

由某一日開始，哥哥再都揾唔到妹妹了。
佢地話，妹妹走咗。
除咗果個盒，佢咩都無帶走……

……
好耐好耐之後，妹妹依然留系果個沙漠。
落日撫摸大地，親吻遍地黃沙，凝視裸露的石礫……
留系回憶中嘅果個女生，日日漫步夕陽下，茫然目光掠過茫茫戈壁。
即使自己唔系佢生命中唯一一個，佢始終系自己生命中難舍一個……
沙，吻著離去的餘暉……