今日足足训咗15粒钟先起身

原因就係我真係好攰好攰.....

事情嘅经过要由星期五讲起啦...


星期五

呢日训完练.周身大汗

跟住我地各自返咗宿舍冲凉

之后就去咗麻辣烫集中

买咗一大堆外卖去咗我屋屋开餐

我地集体开餐.个个吃到兴恰恰..

一路睇电视睇到12点几

佢地就开始打雀

中途我地又去咗烧烤吧吃宵夜

佢地打啊打,我就同小猪系旁边睇啊睇

虽然无得打,不过都觉得好开心

因为太搞笑啦,笑咗一整晚

大赢家係小西同梅芳

因为赢太多嘅关系

成晚就俾阿刀佢用粗口攻击

真係惨,赢都唔得!

4点几嘅时候我顶唔顺,都係训咗

小猪仍然坚持到底,係度支持小西



星期六

虽然话係过咗第二日

但係我地都无休息过

因为打到6点几嘅时候

我地就要收档

换衫准备去花都

个个换完果套衫出黎都笑餐死

因为果套野又热,又大,又肉酸,又透,显得个胸仲好鬼大

哈哈哈哈哈哈哈哈.....林起当时都想笑

特别係小西

系搭车嘅途中我地都因为太攰而训咗

花都搞果个乜鬼全民运动

集合咗好多阶层嘅人去

我地就着住果套肉酸野,系太阳暴晒住咁围住个区政府行咗一个大圈

无聊透顶..

搞到9点几

我就同小静返咗PZ

阿刀同小西就去咗花都吃M记

返到屋执好野

就去搭恒通返GZ

成个车程都系度训

又攰又冻..一训就唔想起身

呢次恒通好快就返到GZ

唔知系米俾人投诉得多呢?

返到GZ我地3个因为饿饿

就去咗5月花间PIZZA开餐

我地仲玩砌砌

砌到好高

不过小静都仲话好屎喔

无奈..

吃饱饱之后同小猪去越富行街街

小静就去咗约会

行咗好耐都买唔到衫

仲差D嘈交添

不过最后都係无事

仲买咗两件衫衫添

而我嘅收获就係一条熊仔链..好得意的

同我家小猪一人一条

返到屋企吃完晚饭就训着咗啦



星期日

今日係父亲节

本来霖住请老豆去吃饭或者饮茶

不过佢无咩反应

可能因为仲同阿妈冷战紧

唉....好烦啊

一家人坐系屋企

但係就大家都唔讲野.好静

好讨厌呢种感觉

几时先好返啊你地?

PS:仲係要同你讲一句.父亲节快乐.我爱你,爸爸!