我講番尋日先．．．７點鐘出門口去ｋａｒｅｎ屋企，之後食左個飯，我地就出發去接老闆啦！

去到先知原來佢男友車我地入機場，係架車道又開拖啦．．．今次到老闆問點解我地要去咁多日．．．其實我真係咩都唔知．．．我連自己去邊都係亞浩話我知機場係慕尼黑．．．之後仲話去４日好夠！之後ｋａｒｅｎ話佢臨走同我講左，好在老闆知道我唔知．．．唔係２個屈我一個都冇說話好講！！
終於入到機場！！過完關我同老闆等ｋａｒｅｎ帶個仔過關，老闆突然講話”小麥去我一定去啦！你兩個點開會．．．”！唉．．．

等左一個鐘上機喇，上到機其實個人好眼訓！但係訓唔到，好在我醒目買左安眠藥，唔係呢程１２個鐘既飛機都唔知點過．．．好在有套戲未睇”芝娃娃”！因為我食左藥，我未睇完就訓到喇　～～　好勁呀！！
之後仲食左個飛機餐”牛腩飯”型到震！半夜３更食個飯．．．肥死！之後我就梗係睇埋個尾啦　～～　都幾好睇！！
冇幾耐仲有早餐食添，我聽到有蛋同米粉，我諗黎緊有咁多日冇中國野食，不如食埋呢餐啦！咁我就叫左米粉，點知就中招喇．．．佢個炒米粉成兜跟本就係紅羅白多過米粉，我勁夾出黎都夾唔到．．．最後我就放棄喇！　
好辛苦終於可以落機喇　～～　老闆又黎料，話我地一ｄ準備都冇！話唔問酒店名，入境果陣應該會問！之後ｋａｒｅｎ同佢講駛乜咁擔心！都係簡單問幾句．．．都真係問幾句！！好快就入到境！

拎埋行李大概６點，個客搵左個司機黎接我地！之後我地都新奇咁周圍睇下ｄ景！原來德國既太陽好遲先升起架！成７點半先升起．．．

黎到喇　～～　原來我地要去左郊區先！呢道真係好靚！道道都好似積木咁！好假囉　～　個客同我地訂左２間房，我地上到２間房都覺得好大，最後決定取消一間！因為有一間房係２邊既，１邊係２張單人床合１，另一邊係ｓｏｆａ可以變床，咁佢地就話我訓，佢地３個訓床果邊！ｏｋ啦　～～　反正都係訓咋嘛！最緊要訓到！
放底哂ｄ野，佢地話要沖涼，而我真係冇咁既需要，等佢地攪掂我地３個出去行，而老闆係訓喇．．．

周圍真係靚到爆，我地梗係有周圍行下啦，仲去左間士多仔買野，我地買左麵包／煙三文魚／士多啤梨呀！！ｋａｒｅｎ買完之後我地就番酒店喇　～～

番到黎又食啦！明明出門口前已經食左即食粉絲，都真係食好多野！之後我地搵戲睇，因為佢地話等埋個客先食晏！點知睇睇下我訓左啦又！　　終於等到１２點半喇！個客帶我地去佢地既ｏｆｆｉｃｅ，原來過去對面馬路就係喇！５分鐘都唔駛！個客既老闆間屋大到呢．．．好誇張呀！！

ｈｅａ左一陣之後就出去食飯，其間梗係又講點解黎咁多日啦，仲話點解個客同我講左星期六佢地飛另一道，我地仲留係道！唉．．．我鬼知咩！我覺得跟本就係大家冇溝通啦！你一係就俾哂我跟！唔係你訂哂野，之後錯左懶我囉！

去到食晏果道喇　～～　樣樣野都想試！不過可能今朝食得太多野，我食左半碟魚就停喇！之後番個客道，我地再出發去雪山！
雪山好靚呀！！我地坐纜車上去，上到山好凍呀！不過都真係好靚　～～　今日個天氣真係唔錯！個太陽好哂呀！！ｄ雪開始溶！影完之後我地就去左飲杯野，呢道ｄ野真係好貴，成４０蚊杯檸茶！

本身個客話車番我地番黎，點知ｓｅｎｄ左ｓｍｓ俾佢都冇覆，我地就坐的士番黎喇！條路其實都幾近，咁就收１１０蚊！貴呢．．．

番到黎佢地話沖涼（其實依家都只係５點咋．．．），我就同ｋａｒｅｎ落左ｌｏｂｂｙ上網！個ｎｅｔｗｏｒｋ慢到嘔呀！！悶死人！點會房冇架，下下落黎點過呀．．．

玩到我發炆憎，因為佢ｕｐｌｏａｄ有上限，明明選哂相ｕｐ上ｆｂ，點知佢同我停哂佢喎！！激死人！！後黎ｋａｒｅｎ再落黎搵我！佢ｓｅｎｄ埋ｅｍａｉｌ就上番去喇　～～　我沖涼，佢地就訓，我沖完涼出黎叫醒佢地，果陣應該都係７點半，點知小麥唔願醒！後黎仲喊添！因為夠鐘，所以我落去搵個客先！點知老闆又鬧啦！話佢地帶個仔去見客同旅行！我當然有幫佢解釋啦！其實佢真係好錫個仔，只不過因為佢覺得自己香港大陸已經２邊走，仲要呢２個月內佢飛左好多次！連新年都唔係同個仔一齊，所以今次諗住帶佢黎玩！但當然老闆唔係咁諗啦！佢話佢帶個仔黎開會好失禮．．．當然我解釋都冇用啦！果個佢媽黎架嘛！點會聽我呢Ｄ外人講！後黎ｋａｒｅｎ打黎ｒｅｃｅｐｔ．話改左時間叫我地番上房先！當然上到黎又見到佢地再鬧啦！最後佢兩母子冇去，由得佢地訓！
我地終於８點半出門口，佢地帶左我地上半山食晚飯，個景真係靚到爆！今日因為食左好多餐，所以晚餐都唔知食咩好，最後點左個ｓｔａｒｔｅｒ　ｏｎｌｙ，ｍａｉｎ　ｃｏｕｒｓｅ真係完全食唔到，但係個鬼客話我地食咁少，最後個客話同我ｓｈａｒｅ，呵　～～　咁梗係ｏｋ啦！因為我都真係試少少！最後仲叫埋甜品添！真係飽到嘔！因為ｋａｒｅｎ同小麥冇出黎，我地叫左外賣俾佢，而老闆話問個鬼客借車，所以佢跟佢地車，而我就同個客坐的士番黎酒店同帶野食番黎俾佢地！

番到黎佢地仲訓緊啦　～～　而我就梗係攪掂ｄ野訓啦！最後老闆番黎，ｋａｒｅｎ都醒埋！睇埋佢盒野有幾大盒先訓！ｘｄ

ＰＳ：第一日我既感覺就係我唔會再離開遠過東京既地方，當然大吉利事如果我亞婆有咩事，我都要飛加拿大！亦可能今日因為大家冇ｐｌａｎｎｉｎｇ，所以我已經有想家既感覺！

今日大概食既野有：

飛機餐：牛腩飯／朱古力ｍｕｆｆｉｎ

到步後既早餐：一杯粉絲／煙三文魚／麵包／一杯奶

午餐：１塊麵包／半件魚柳

晚餐：帶子紅酒意大利飯／１片燒牛肉／１片鴨肉／１匙青檸雪杷／１匙雲妮拿雪糕