今日我地入屯門，首先去左吉之島食晏同買野！我地番到入去諗住試新野，不過都係食壽司！一間新開既叫”金水壽司”，門口好多人排隊，點知原來係排下午茶架（下午茶３點開始，所有壽司半價，我地果陣都係２點咋，食完都未開始入，點等呀！）．．．後黎我地先知係拎飛仔！咁等左一陣就有位喇　～～　不過睇ｄ價錢好似貴過和花亭！

我地叫左幾碟壽司，仲試左個烏冬添！都幾好　～～　最尾埋單先係戲玉，我計過平時我諗咁食應該大概２百蚊左右，點知今日係１７ｘ！咁我同亞浩梗係唔出聲啦！後黎再傾我地話佢應該冇寫我地台面果４碟！抵呀　～～　哈哈！！

之後我地買禮，因為未同老豆老母拜年！我老豆就好易話為啦，我媽先最麻煩，乜都唔食呀嘛．．．初時諗住買盒帶子刺身俾佢就算啦．．．點知好貴囉！２ｘｘ一盒呀　～～

其實次次番黎都諗夜晚食乜，我都不離打邊爐架喇　～～　簡單呀嘛！我又食得　～～　幾好呀！！所以今晚都唔例外啦　～～　今晚我地３個人打邊爐，打打下對面亞偉帶左ｂｂ番黎呀！！好可愛　～～　下次見啦　～～

ｐｓ：話咁快聽日就番工喇　～～　真係好唔捨得呢９日既假期．．．

今日食既野有：

午餐：２件三文魚壽司／２件豆付皮壽司／１件海膽壽司／１件帶子壽司／半碗烏冬

晚餐：３粒花枝丸／２粒牛丸／３粒火退丸／２碗西洋菜／１碗上海麵／３隻冬菇／２件節瓜／３隻瀨尿蝦／２舊粟米