尋日好夜先訓　～～　今朝亞浩先番．．．我問佢尋日嬴定輸，佢答我輸！之後我問佢輸幾多呀？佢又答係輸好多．．．我地１２點幾俾人叫起身，因為今日行程都幾緊密！我又繼續煩下佢輸幾多！點知原來係”大拿拿四十蚊”頂！！！真係未到初二想同佢開年．．．

我地今日午餐食齋　～～　其實都幾餓！之後等姨仔個工人黎，我地就出門口喇　～～　（明明應承人地係１１點到，攪到成１點９先黎．．．真係唔係路）我地頭站係去左彩雲村先　～～　以為坐一陣就走！點知大家傾到唔捨得走．．．終於４點半走得！！

第２站上去銘慇屋企同阿麻拜年　～～　上到去真係餓到爆．．．所以忍唔住又食左野，因為太多人既關係都係番黎屋企！！反正佢地等陣都會上黎　～～
細表嫂　～～　我同你都冇緣架喇　～～　仲有同阿芝妹都冇．．．想同你影張合照．．．你竟然喊！！　哈哈　～～　

等我報告今日有咩食先：（太勁喇　～～）

都真係好在有影相咋．．．成１５樣野咁多．．．

有以下：豆苗蠔豉／煎大蝦／竹笙鮑魚／生炒骨／魚翅湯／節瓜瑤柱／炸蝦棗／帶子炒西芹／炸蠔／鹵水鵝／炒白菜心／東玻肉／冬菇炆花膠海參髮菜／蒸大倉魚（其實仲有炒生菜冇影．．．）

今年食完飯又有新意！我地屋企有個新年布景　～～　唔錯架　！！

玩到冇野好玩　ｘｄ　大家又有一個新既布景又黎　～～

新一年梗係要發下新年財啦．．．最尾係俾ａｕｎｔｉｅ一家發３家　～～

等我都記底我今日大概食左Ｄ乜：

午餐：２隻冬菇／１碗白飯／２件豆付／半碗白菜心

下午茶：３件羅白糕

晚餐：１碗白飯／豆苗／白菜心／花膠／排骨／倉魚肉／鵝肉／竹笙／大蝦／節瓜瑤柱／帶子／１碗魚翅湯　（其實今晚都食左好多野，不過我有信心，呢３日過後我會減到架！）