今日亞浩話唔知收幾點，我就問雪會唔會陪我行一陣，初時唔得架！後黎佢話唔去飲茶陪我行一陣！點知臨收工連ｋａｒｅｎ都話一齊行　～～

我地去左太子食左個晏，間間都多人到爆！我地是但搵左個位泊車，點知個位得半粒鐘，每半粒要走出黎入錶，都真係唔係路！之後搵到間日本野食，明明同我地講話等５分鐘，後黎都唔知等左幾耐．．．

澎澎聲食完野，我地話泊番架車係始創，諗住買到野可以ｆｒｅｅ呀嘛！點知塞車到爆，我地最後都係搵左個超細既停車場！泊底架車澎澎聲去行下，其實我係想睇假髮片，當然今日未出糧我就ｏｎｌｙ睇啦！行哂成個商場大家竟然衰左係ＳａＳａ道．．．老闆女仲買左萬５蚊野！明明話入去買ｇｅｌ頭同美麗日記咋嘛！我就衰左係Ｈｙｔｈｉｏｌ－Ｃ手，可能我塊面太多斑，所以之前睇到廣告都好想試下　～～　依家又見唔係貴所以都可以一試！

足足係ＳａＳａ玩左成個幾鐘，之後雪話佢去拎左書先！我就同老闆女係道等裝袋！點知連雪番黎都未攪掂，好鬼慢．．．攪掂哂之後，老闆女叫我地幫佢睇一睇車，之後先散，都ｏｋ既，反正都係番屋企！

今日食既野有：

早餐：水餃火退米線／凍檸茶走甜

午餐：雞扒飯／２片三文魚刺身／２片赤貝刺身／半碟炒什菜／凍檸茶走甜

晚餐：３件雞胸／１匙魚肉／１碟菜心／１個橙