今日未夠１２點就出門口喇，落樓下等柴灣既小巴，等左好ｑ耐都冇一架小巴經過，最後竟然行落去隧道口坐巴士！

等左冇幾耐就有架６８２喇！早知一早行落黎等啦．．．

終於１點落車喇，等一時間買支水先！之後就搵小巴入赤柱喇！我地坐１６ｍ入赤柱，唔知要坐幾耐呢？！

終於１點半入到黎，不過我地唔識落車，我地又冇問人地邊落，我地仲要過哂市集先叫落車，最後係要行番轉頭！

尋晚搵到間係廣場既鋪，諗住今日試下！間野叫Ｗｉｌｄｆｉｒｅ！去到喇　～　初時諗住坐出面，但係諗諗下．．．我病．．．都係坐入面好似好ｄ！

我地每人叫左個ｓｅｔ　ｌｕｎｃｈ！叫左一份牛柳一份ｐｉｚｚａ！黎左個湯同沙律，我中左招！個沙律有我既天敵紅羅白．．．最後梗係俾亞浩食啦！而我就飲左半碗西蘭花湯！都幾好味架　～～

黎左ｐｉｚｚａ喇　～～　幾好味喎！４種唔同既料放唔同既位！每件只有一種料　～～　有火退、磨菇、檻欖同埋唔知咩菇！

之後黎埋件牛柳，好鬼細件呀．．．不過都幾好味！

食完仲有甜品添！係一件唔知咩ｍｏｓｓｅ同新鮮既雲呢拿雪糕！今日連雪糕都食埋，睇黎都落硬地獄啦．．．哈哈！

赤柱廣場入面有個墟，都唔係好多野睇！不過呢幾隻公仔就幾得意啦　～～

食完野之後開始行赤柱喇　～～　原來都唔係想像中咁多野行！呢道真係俾外國人黎行架咋．．．全部都好似廟街咁，雖然我都預左！不過有ｄ失望囉．．．至於失望ｄ乜．．．我又講唔出喎！！

我地兜兜下去左人地住屋果邊，人地ｄ屋仔幾得意架　～～

我地行完之後決定出番太古行一陣！不過原來冇車直接到架．．．要坐巴士去小西灣再轉叮叮　～～

去到太古好似周圍都唔駛錢咁！道道都超多人！間間超市都好似做９折咁．．．搶貨番屋企．．．驚未．．．見到咁多人跟本就冇心機行！

之後去Ａｐｉｔａ，最後我竟然買到既係唔會肥既火雞肉！上次去Ｋａｔｈｙ道已經話我知呢隻可以食！等我今次試下！

最後我地既下午茶竟然係去Ｆｏｏｄｃｏｕｒｔ食越南野！好在碗野唔大，如果唔係今晚唔駛食．．．

 

最後梗係講下我今日食左咩啦：

 

午餐：４件ｐｉｚｚａ／半件牛柳（仲有跟牛柳既什菜啦）

 

下午茶：１碗豬頸肉湯檬

 

晚餐：２碗花膠花旗參瘦肉湯／２件花膠／２件瘦肉／３匙梅菜豬肉餅／１碗白飯／１個橙