我決定今日食新餐，因為我冇約喇嘛　～～　呵呵！！（其實有既，不過我唔去囉！又病．．．點燒野食呀）

番到公司真係唔想做野，我ｈｅａ左２個鐘做左一陣野再ｈｅａ多陣就收工！真係唔想做！！

收工亞浩話去飲茶，但係２點鐘先開始，我就慢慢坐３８去！點知佢點半去到已經有位，佢話冇人，放佢入去坐住先．．．真係好彩！

飲完茶話去睇下官塘間ｎｉｋｅ　ｏｕｔｌｅｔ係邊，行左陣工廠區，我仲幫大陸既同事買左羽絨添！買完之後又去左ａｐｍ，亞浩買左對鞋！勁呀　～～

番到黎食左次藥，個人真係眼訓到爆！我仲訓左陣，之後凍醒左．．．睇黎我呢幾次病都唔簡單．．．好似好難好咁．．．

今晚Ａｕｎｔｉｅ又整正野食喇．．．唉．．．真係有時諗，咁辛苦為乜！不過我唔會咁易放棄架！講下今晚佢整咩等我個心咁諗先得，佢今晚整生炒骨同翅呀又！！我煮完自己果Ｄ都冇同台食飯，我費事自己繼續諗．．．

我今個星期既新單係要食以下：

早餐：２片包／１盒脫脂奶

午餐：２碗菜／６片叉燒／１碗白飯

下午茶：３片餅

晚餐：半碗粟米／半碗紅腰豆／３條蟹柳／１個蘋果

我實際上食既野：

早餐：２片麥包／１盒脫脂奶

午餐：１碟菜心／叉燒飯走汁

晚餐：半罐粟米／半罐紅腰豆／５條蟹柳／１個蘋果（個份量都真係幾細，晚餐都真係有Ｄ唔夠飽，所以我加到去５條蟹柳，希望冇事啦．．．）