今日都幾緊張，話哂放縱左２日，都真係有少少驚肥，好在今日都過關，當然落既磅數唔多（呢個我係好肯定），只係１．５磅！不過有得落已經好開心喇　～～　麗娟仲勁呀呢個星期，佢有４磅呀！！佢仲差一磅就有大餐食，麗娟你努力，我地星期日就可以食大餐啦　～～

今日又要上大陸，出門口諗住買粥食啦，點知又係豬紅粥，有咁多人食咩．．．攪錯！之後冇選擇之下買左件三文治。

約左麗娟７點，點知走果陣陳生叫我同ＭＵＮ自己坐車，即刻ＤＯＷＮ哂！其實都估到架喇，次次都係咁架啦！２個人都唔車我地，都唔知佢想點！我地坐到５點鐘班車，但係成６點９先到深圳咁滯，真係好鬼耐！！而ＭＵＮ整日冇去過廁所，仲差Ｄ賴添　～～　哈！（當然係講得誇張左啦．．．）

ＭＵＮ話我地係羅湖出閘，之後上車入頭等會平３０蚊，我今日試過都真係唔錯喎！不過時間係掌握唔到架，一定會走一班車！

我落到去ＭＫ已經７點９喇，我勁急步咁行，我地決定上左去先再去食野，今日我既主要目的係買ＪＫ羅琳既新書！

今日同ＫＡＴＨＹ太好傾，過哂時間就梗係買唔到書啦，失望ＩＮＧ！我地今晚既晚餐係食米線，呢間都ＯＫ，係菜好細碟囉！食完之後行一陣就走喇　～～　

今日食既野有　：

早餐：２件芝士火退治／１盒脫脂奶

午餐：１碗白飯／１碟西洋菜／６塊豬肉／１匙魚肉／２碗雞骨草瘦肉湯

下午茶：１個橙

晚餐：人參雞絲豬肉丸付竹米線／１碟生菜（我諗半碟都唔知有冇呀．．．）