今日又上大陸，今朝過關就見到我個客ＱＣ，佢一見我就話”Ｅ～～你真係瘦左喎，背冇咁腫，塊面角果Ｄ位都冇咁肥”，我答佢”邊有咁快瘦到面呀！哈哈哈”，佢講完我都唔相信，可能大家日日見到我！！

夜晚我同麗娟去左食壽司，我地叫左１０碟，點知２條友都食唔哂，我又創新底，今晚食左８舊壽司！之後諗住外賣俾ＫＡＴＨＹ食，拎到上去佢話唔食　～～　睇黎佢驚我地毒佢！哈哈哈　～～

等左陣終於到我地喇！ＫＡＴＨＹ見到我問我塊面係咪瘦左，我話真係架？！之後我話佢知今朝都有人同我講！我今日竟然都有好成績，又多１ＫＧ喇！！３個星期減左　　　３．５ＫＧ，算唔錯啦！原來我上星期六食既雞扒係ＯＫ架！！冇事　～～　呵！！仲有原來蒸腸粉唔食得！！但係佢話我食唔夠油呀　～～　我走得太清！！會引起便秘架，睇黎我要食番少少油！！

麗娟　～～　努力呀！！雖然依家都唔知你發生咩事減得咁慢！！但係唔好氣餒呀！！我會默默支持你架！！雖然我都好衰成日話你會陪我減一年，但係如果減得慢對身體好既，減一年係ＯＫ架！！我地仲要著靚衫架嘛　～～　呵！！

今日食既野有：

早餐：火退麥包治＋脫脂奶

午餐：２碗肉碎粥／２細件雞胸／１碟西洋菜／１匙魚肉

下午茶：１個橙

晚餐：海膽／帶子／三文魚壽司各２件，甜蝦／馬刀貝壽司各１年