今日我１１點幾起身之後，接到亞婆電話，傾左陣就出發去ＣＡＴＨＹ屋企，我當然要買Ｄ野上去架嘛！！唔通真係２梳蕉咩．．．

我去左ＳＯＧＯ買士多啤梨，希望佢鍾意啦　～～　呵！！落到ＳＯＧＯ有北海道節　～～　好野！！又有我最愛咖喱飽！！正呀　～～～

之後就坐叮叮去佢屋企喇　～～　上到去見到ＣＡＴＨＹ媽，好耐冇見喇　～～　之後就見到ＬＡＬＡ（其實ＢＢ叫ＣＡＤＹ呀，但係我真係鍾意叫佢做　ＬＡＬＡ呢！呵）～好醜樣豬哦（要講反話，係咪煩先！哈）　～～　佢Ｄ表情真係好得意　～～　之後ＣＡＴＨＹ媽拎左Ｄ薑醋請我食，問我酸唔酸　～～　仲攪左個ＧＩＧ添　～～　好酸＝好孫　～～　好冷哦　～～

坐底食野之後，影相　～～　我想影埋我筒ＨＯＬＧＡ，影影影　～～　玩到３點半我就走喇　～～　下次再黎探你呀下　～～～

之後我落左旺角，諗住搵間鋪頭曬相係曬到有菲林窿窿既，點知我行左半個旺角咁滯（其實係波鞋街全條加兆萬全條街啦），都冇一間曬到，有Ｄ仲攪笑到問番我咩黎，到最後我唔怕羞咁問街影緊大機既人（又係果Ｄ有ＭＯＤＥＬ係街，成班男人圍住果Ｄ呢），佢地話我知可能金雞果邊有，咁我再行多次啦！

嘩　～～　皇天不負有心人，終於俾我搵到間有喇　～～　ＹＥＡＨ！！點知．．．佢拆左我菲林出黎睇我部機個ＡＤＡＰ，話１３５ＡＤＡＰ影唔到窿架，要用１２０正常既ＡＤＡＰ先影到窿窿，激死我！雖然呢筒都係冇窿窿，但係起碼又俾我學到樣野先啦！我放底筒菲林俾佢曬，希望聽日我會落ＭＫ拎番啦　～～　哈哈　！！　睇佢個鋪面好細，但係佢都幾ＰＲＯ，我下次都會搵佢曬相架　！！　ＴＨＡＮＫＳ　ＳＯ　ＭＵＣＨ　！！