今日１０點幾起身，之後去ａｐｍ＠潮館搵位飲茶！尋日打左去ｂｋ都ｂｋ唔到！要人咁早起身．．．唔係路！１１點３出門口，點知細佬打黎話佢冇帶之前已經買定既藍罐曲奇！要我再買．．．唉．．．食屎架真係！

落到去裕民坊見到有曲奇都唔理佢咩牌子照買，我既時間係用黎等位．．．點知上到潮館爆多人！我拎飛係ｎｏ．１１９，點知我等左成個鐘都係叫左１張，死未．．．我同四姨姨丈講，不如你地行下，睇下有咩岩食！我姨都唔係路，話要食吉野家！可能佢鍾我唔鍾啦！之後好在姨丈話要去紅螞蟻！之後就梗係同埋表弟一齊去啦！落到去拎埋位細佬同媽都未到！最後仲話搵唔到添！我出黎接你ｏｋ啦！

之後既行程就係去：
１）舅公＆舅婆＠順天村
２）太叔婆＠又一居

係食紅螞蟻即刻相討我地今晚去邊食？！因為我今日出門口ａｕｎｔｉｅ話叫埋媽上黎！但係我又諗．．．我真係驚佢２個失禮！不過ａｎｙｗａｙ問左再算！之後四姨冇約人，媽就話同四姨一齊食餐飯啦！最後決定去灣仔利景酒店食ｂｕｆｆｅｔ！超抵話係２１８／位！

去完２個地方後實在太多時間！因為我地ｂｋ左７點半食！之後佢地話去睇戲，我好快咁答．．．你地買到咪睇囉！又一城有乜可能買到．．．

之後就梗係買唔到啦！跟本就冇可能！之後ｈｅａ左好耐！就坐番ｍｔｒ去　ｃｗｂ再行去灣仔！７點半準時去到！

今晚既晚餐都預左唔多掂！不過我媽又食得好開心！可能佢ｌｉｋｅ生蠔啦！細佬就慘ｄ，好似冇乜野佢岩食！咁既價錢都唔會好得去邊呀！不過我諗與其係去酒樓俾人扼，不如去食ＢＵＦＦＥＴ好過啦！

食完之後就番黎安樂窩！ｔｈａｎｋｓ　～～　大家等我食甜品！ｙｅａｈ！好好味既意大利蕃茄ｃａｋｅ　呀　～～　ｔｈａｎｋｓ　ＡＶ！

ＰＳ：今日最開心應該係拎到三姨同亞婆封大大利事！ＴＨＡＮＫＳ　～～