今日我地約左出黎同ＶＩ慶祝生日，我地今日ＢＫ７點３０ＣＷＢ既金沢日本料理。

今日下晝發生左單野都要記錄一下，今日老闆一番黎，見到佢個孫條爛褲，突然醒起佢俾左條褲馬太攪，攪左好耐都冇俾番佢！之後一觸即發！馬太俾人話完之後，佢竟然捉住我黎話，同我講我地俾咁多野佢做，我地有冇通知老闆！講真．．．我地係唔駛通知老闆既！既然我覺得你認為係關事既，我同　　　ＴＥＲＲＹ相量後都覺得應該入去話俾老闆知我地呢幾日係真係有俾佢做野！點知老闆話俾左佢成個幾２個星期！即刻Ｏ咀，出黎同ＴＥＲＲＹ再講，冇幾耐老闆又出黎話佢，最後我地覺得錯在我地話俾老闆知，點解．．．係因為馬太話唔做！仲觸發到話老闆個家姐話佢事非添！我地冇心咁架！

收工後澎澎聲去坐９３０落金鐘轉巴士落ＣＷＢ！落到去ＳＯＧＯ竟然見到今日特別嘉賓咪咪喎！呵　～～　好耐冇同你食過晚飯喇！之後就去金沢拎位喇！

我地坐底叫左野食先，之後就開始玩我部新相機喇！冇幾耐就有野食喇！等我介紹一下我地叫左咩食啦！

我地首先叫左個２人餐有：（呢個餐好抵，２８８蚊／餐，可足夠３人食用）
蟹子沙律
刺身拼盤
銀雪魚　（超級好味）
網燒牛扒　（個汁好好味，個牛味都好濃）
炸蠔　（好滑呀　～～　所以影相果陣已經剩番一粒！）
天婦羅　（唔知點解今日寫先發覺呢個叫多左，而又送黎，呢個脆漿好薄）
２碗白飯、２個味噌湯

之後加左：
加拿大海膽　（呢個抵呀！９０蚊呀！大塊到呢　～～　個味又正！正呀！）
牛肉炒什菜
串燒拼盤　（呢個Ｄ鹽好咸，不過樣樣野都好味）
刺身沙律　（呢個好味得滯．．．食哂，唔記得影相）

甜品：
個餐改呢個生果雪芭既話加廿蚊，之後我地加左３個！
我地叫既係菠羅同柚子，其實仲有士多啤梨，公主叫左但係冇！

最後出場既梗係今日既主角生日蛋糕啦　～～～　

我地在食既期間不停咁影影影，花絮黎喇　～～

ＶＩ　～～　生日快樂呀！我都係祝你男人早日回歸你既懷抱！哈哈哈！

ＰＳ：呢張相真係唔似陳小姐果張架！

我地食完之後出發去ＳＯＧＯ先，咪咪話要番屋企我地就同佢分開走喇！

公主要買羽絨！而我就梗係幫亞浩睇冷帽啦！點知公主買到野，而我．．．空手而回！之後去銅鑼灣地帶，都係冇．．．之後就出發去今日既主要目的　～～　行花市！

我睇雜誌話張繼聰同謝安琪連同一班歌星同ＤＪ組成既ＪＥＰＪＥＰ賣月曆，所以有益會捐俾匡智會，但係月曆對於我黎講冇用，所以諗住搵到個位既話我會捐錢，點知去到有ＴＥＥ買喎！呵　～～　好野！呢個起碼我會著！１３８蚊我覺得ＯＫ，之後仲話同ＫＡＹ影相添！買完件衫覺得自己好似去左
ＪＯＹＣＥ做闊太咁，因為個個都有同我講野呀！好好笑　～～　

之後就趕尾班車番屋企喇！

ＰＳ：大家如果呢個年３０前去開維園既，大家做下善事啦！