我都係連日來繼續上大陸，但係今日老闆落令唔可以上，因為我地成班去一齊拜神。點知老闆病左．．．由ＫＡＲＥＮ帶我地去！但係一架車載唔到咁多人去，最後ＫＡＲＥＮ、我、ＴＥＲＲＹ、ＭＵＮ、ＭＡＮＤＹ、劉太同埋陳生７人出發！

首先我地去拎５隻乳豬先，ＫＡＲＥＮ就拎錢！之後首先出發沙田車公廟，去到門口不停有人ＳＥＬＬ我地買香！可能我未黎過覺得好新鮮！哈　～～　之後就好似有Ｄ亂，都唔知自己做乜！在佢地攪緊其間，我地都唔知自己企係道做乜，就話不如我地自己拜下啦！我同ＭＵＮ就出去買野拜喇！

我當然係求健康同財啦！嘩　～～　呢道工業化到呢！有個人在我地祈緊既時候不停講野，首先講我地個名，之後就勁講Ｄ好有意思同超吉利既說話！到入去轉風車，ＴＥＲＲＹ叫我大力Ｄ可以講耐Ｄ！但係個風車超重呀，我已經勁大力去轉架喇！但係．．．都冇幾個圈囉！我盡左力架喇！

拜完之後出發去黃大仙，拎車既時候，又有幾個人出黎推銷呢個”貴人”同埋”車公６合”，１０蚊．．．我豪俾你啦！我地３個人（我、ＴＥＲＲＹ、ＭＡＮＤＹ）買左！

好快就到黃大仙喇！又買左Ｄ野入去拜，今次我想求簽添呀！嘩　～～～　駛唔駛咁多人呀！除左遊客之外，大家都唔駛番工既咩．．．多人到呢！仲要搵個正位去拜，大鑊啦！ＫＡＲＥＮ一支箭咁去到黃大仙出面既位置，佢要搵個好位拜大仙，佢等左陣就拎到好位喇！之後我地又去做自己野啦！

大仙俾我既係４１號簽，我地去拎簽，一支簽２蚊，ＯＫ喎！我拎到手既時候就係覺得呢支簽係好既！可能因為佢話拎寶石啦！哈哈！

初時陳生話幫我地解，所以就唔駛拎簽果個人解，點知．．．佢昆我既！最後我地３個去左搵個婆婆解簽！其實我呢支簽係求自身架！婆婆話我過左今年３月就會好架喇！仲有貴人添！多謝大仙！之後到ＭＵＮ，婆婆話佢前兩年都唔好，不過今年就先苦後甜！仲叫佢努力Ｄ、用多Ｄ腦！不過睇黎ＭＵＮ好似都好唔開心下　～～　之後到　ＭＡＮＤＹ　喇，佢都係一支唔錯既簽，婆婆叫佢唔好諗咁多。

我地拎番果Ｄ乳豬番去開餐！ＬＵＮＣＨ就靠佢喇！

基本上今日都唔知自己做乜，明明話公司拜神，依家好似係我地要自個人拜咁！ＡＮＹＷＡＹ　都好多謝公司用左半日俾我地做自己野！哈哈哈！

夜晚我約左貓貓打邊爐，好耐冇見喇！約親一係我得佢唔得，一係到佢得而我又上左大陸，難道我真係要做到冇朋友！呢點我唔可以架喎！

我地今晚選擇左去官塘既好味王，呢間係亞浩既同事推介，佢既牛肉有好多級別俾你選！

味道唔錯，我地選左湯底係胡椒豬肚湯（仲送一碟３星級既牛肉），係咪好有新意呢！哈！叫左碟５星級牛肉、蝦麵、西洋菜、生菜、炸魚皮、金菇同冬菇、墨丸同豬肉丸、粟米！雖然粟米係今日既敗筆，但係整體黎講都ＯＫ！個湯底我覺得係今晚既特別既野！

貓貓我地真係好耐冇見喇！你就黎生得我先見得你一次，真係要原諒我！我希望你生之前我地都出多次黎食飯！哈哈！