今日要一早番公司（約８點半，但我８點３到左．．．）之後會合老闆再去接個德國客上大陸！

本身約個客係葵興，點知個客去左葵芳．．．好在老闆係揸車！如果唔係煩死！我今日既角色係接佢上落，由帶佢上老闆車，以至到黃崗過關都係我！

今日個客其實上去除左睇廠之外，係睇辦及睇貨！點知佢睇辦睇得太開心，我地ｄ貨好尾先俾佢睇　～～　初時仲以為佢唔睇添！

今日我真係爆攰！我諗我未層試過一日內講咁多英文！我今日用盡我呢世既英文咁滯！好在都叫溝通到．．．而ｍａｎｄｙ個腦塞左！平時既佢都講到架嘛．．．今日你驚乜呀！！

之後我地６點鐘番落香港，點知遇上塞車．．．成８點２先番到落香港．．．放底左個客係荃灣ｍｔｒ之後，我同ｍａｎｄｙ坐的士番公司！因為老闆約左男友食飯　～　急！

我地就梗係澎澎聲攪掂哂ｄ野走啦．．．真係攰爆！