雖然件事好白痴，但係我都好想記底，我知個個都話咁核突唔好寫出黎，但係我真係好想記底！

咁尋日說話我遲左Ｍ喇嘛，咁今日諗住點都買黎驗下啦！今日食晏同雪落左去食車仔麵，之後就去萬寧買啦！行上黎果陣仲講，驗完有左既不如即刻請半日假，雪問點解，我先答佢太刺激．．．要冷靜一下，之後再答佢，驗到有左，再驗真Ｄ，冇理由既．．．

一番上黎就即刻入廁所啦，我諗住自己好醒，首先痾少少尿睇下有冇Ｍ先，之後先驗架喇！點知．．．點知．．．痾完落支捧捧道．．．抹妹妹既時候，竟然有Ｍ喎！頂佢個肺！俾番５０蚊我呀！攪錯呀，真係人都癲呀！

之後我出黎就同各人報告啦，仲同亞浩講我呢件白痴事！梗係叫佢俾番５０蚊我啦！之後ＶＩ問我，有冇少少失望，問心！今次有　～～　雖然我知道一定唔會係，但係唔知點解有少少失望！可能呢排真係俾人迫婚迫癲左！之後仲講番請假果個問題啦！原來之前ＴＥＲＲＹ話想有ＢＢ俾ＫＡＲＥＮ知，
ＫＡＲＥＮ話ＴＥＲＲＹ有左既話打爆佢個頭！之後我地講番呢件事，今次會計小姐轉得好快，佢話ＩＲＥＮＥ都會答我打爆我個頭！哈！之後我答佢仲快，一係俾我請一個星期假，佢問我請黎做咩，我話落左佢！笑到大家個肚超痛！講講下仲話老闆同老闆女唔俾人有左不如出埋錢俾我地落仔啦！（請大家唔好認真，上述講既野講笑）

夜晚再同亞浩講啦，俾番５０蚊我，之後仲俾佢話我，你要妮露好簡單．．．俾佢激死！