我今日去完飲茶之後去左高川道呀，上到高川道一入門口見到個好熟面口既人，之後諗到應該係貓貓個朋友包包。之後好我唔怕羞咁問佢：”ｅ～～你係ｃａｔｈｙ既朋友包包呀呵？”，佢答我：”ｃａｔｈｙｈｏ呀？”，我答：”係呀！”之後佢就勁笑喇，佢又問：”點解你識我既？”，我答：”我有睇ｃａｔｈｙ個ｂｌｏｇ架嘛”，睇黎我呢個行動嚇驚左人！哈哈哈　～～

今日本身個行程好緊密，諗住去完高川道，之後去太古城買電腦桌，但係留高川道太耐喇！成６點９先走，之後澎澎聲去太古城！

最後都係買唔成啦，因為覺得張桌既分格比直銷中心既差，睇黎都係買直銷果張架喇！之後我地坐巴士番藍田行番去　～～

話說我已經遲左一個星期未黎Ｍ，我地勁講．．．不如買黎驗下啦！之後講講下話改定名，咁我就話男女都叫陳廸啦！亞浩話唔好聽，之後就話男既叫史廸，女既就叫尼露，之後笑左全程行既路！

仲改埋英文名添：ＬＩＬＯ　＆　ＳＴＩＴＣＨ