今日５點半起左身，之後就諗住落去左小巴去官塘法院坐Ａ２２，點知一落去架小巴未開，我就坐的士喇　～～

去到機場岩岩７點唔錯　～～　等左一陣我地就排隊去ＣＨＥＣＫＩＮ拎左機位先！點知個地勤小姐話劉叔唔係香港出世，做唔到落地簽証，我即刻驚一驚，之後我地話幫佢做左網上簽應該得架喎！之後佢叫我地去拎左再番黎，我地話做左其他果Ｄ先，佢話唔得，因為係ＧＲＯＵＰＴＩＣＫＥＴ黎，所以一個人唔得，其他人都做唔到！咁我地都係叫佢做左先，因為差唔多８點即刻去拎完番黎再攪！點知ＫＡＲＥＮ冇帶我俾佢劉叔果張網上登記紙出黎，我就澎澎聲搵電腦去做，佢開始怪我點解會咁！

點知我Ａ果面去到ＰＡＣＩＦＩＣＣＯＦＦＥＥ部電腦冇老鼠，之後我即刻打俾佢話佢知，佢話叫我過番去Ｋ果邊（即係由街頭去街尾）ＰＡＣＩＦＩＣ　ＣＯＦＦＥＥ佢買野飲，咁我就ＳＥＡＲＣＨ啦！點知部死人電腦打唔到中文，我成個人都好炆憎！之後ＫＡＲＥＮ話佢打幾隻字去ＳＥＡＲＣＨ點知都唔得！最後唔知點解我突然醒起其他人都有印果張紙出黎，果道應該有網址！之後寫左個號碼之後就排隊喇！之後又等啦！佢叫我地番去先！

點知又出事喇！原來唔知劉叔呀！連張仔同馬太都唔係香港出世架(後黎我聽番亞蚊講佢地要番公司呀！好慘．．．)！我又俾人鬧！真係超唔明！一直以黎都唔係我係話事人，明明係佢安排！到我幫手做佢就鬧我好幫手！好理！之後到我出手做網上簽証，係就係我冇留意佢地唔係香港出世！但係佢話我覆旅行社果邊全部都係香港出世！我好肯定我冇覆過任何野！

俾佢鬧完，我都超唔順氣！之後我一直黑面！

佢一直同個地勤嘈！之後又打去旅行社（明明係佢朋友出機票唔岩，我都唔明點解係我問題！）點解出團體機票，依家３個人有事一個人都上唔到機！之後攪攪攪，終於架機飛左！而我地一個答案都冇！

之後嘈到咁上下個地勤終於去搵佢亞姐睇下可唔可以改定搵領事館攪佢地Ｄ簽証！咁ＴＥＲＲＹ打去問，原來今日領事館唔開！咁ＫＡＲＥＮ就同亞姐講寧願分開上機！點知佢突然通知我地有機位，但係得６個位，最後我、ＴＥＲＲＹ、劉姑娘、高姑娘、亞偉同埋ＭＡＮＤＹ先上１０點既ＣＸ４５０機！但係果陣已經係９點半架喇！真係好急！淨番幾個字我地入閘！之後我地就澎澎聲入左去．．．攪到黎呢道我地連早餐都冇食！

終於到左桃園機場喇！我首先一出機我即刻打俾佢地睇下安排成點，佢地話依家上機！咁ＫＡＲＥＮ話不如我地先上租既巴士去飯店，之後番黎接佢地！但係我話唔好，不如機場等佢地！之後就唱錢之後過海關，呢個過程超慢！之後臨尾果個關先最好笑〔不過我笑唔出〕，首先Ｘ－ＲＡＹ我個行李，之後佢叫我開左佢，因為懷疑我個行李放生果入口（台灣係唔俾入口既），其實係我台灣朋友（小千同佩華）叫我幫佢帶過黎ＰＩＥ＆ＴＡＲＴ！之後個海關仲笑笑口話似芒果，所以要開行李！仲問我好唔好食添！

之後出左關我地真係超餓，話不如去搵左野食先！點知成個機場都冇野食架！我仲出左事．．．就係我諗住大家都冇散子買野飲，不如我拎張一千蚊去唱左佢啦！一入機我冇睇清楚．．．原來部機只係換１０蚊硬幣！我一千蚊就係咁變左１００個大餅喇．．．真係失哂魂！

終於好辛苦咁黎到台北！等佢地出埋黎已經２點幾喇！澎澎聲上車就去飯店，依家咁遲台灣朋友話我地應該傾下我地今日既行程（九份、淡水）！因為我地已經咁遲，最好改一改！咁我又照同佢講番啦！佢話都應該！咁佢就諗住取消個九份喇！（我當然我係仲黑緊面啦！）

到左飯店我終於見到２個台灣朋友！真係超唔好意思，因為佢地由１２點等到３點我依家到！首先拎左房先，我地就上去放底行李，我就解釋俾佢地聽點解我地咁遲！之後再傾番我地係咪應該取消，小千話其實都可以去埋九份！都岩岩好可以去哂！

咁我又話番俾佢聽大概既野，佢話ＯＫ就出發喇！坐車突然落雨，仲突然見到彩虹添！

呢張係上緊九份山上既時候影既　～～　好有ＦＥＥＬ　～～～

之後上到九份，大家都行得好開心！但係我地餓左太耐喇！我同ＭＡＮＤＹ睇到Ｄ野想食既都ＳＨＡＲＥ黎食！可能今朝既心情都仲未平服番！所以今日影既相唔多！大家都係買買買同食食食！

之後去完呢個九份，我地出發去淡水！點知行到路上塞車！突然我又俾人鬧，話我點解明明話取消九份，又話ＯＫ可以去！依家點解會塞車！如果明知道咁塞車點解仲要黎九份！應該取消左就算！我又發脾氣鬧左出黎！我明明係有問你係話事人，你答我ＯＫ先去！你依家賴番我話去！我真係想”掉９”你！佢仲話唔好幫佢安排任何野！我又答佢！我一直都冇幫你安排任何野！之後我就行番埋位！

最後決定直接去１０１，之後就去上閤屋食自助餐！

去到１０１，我地門口影相！之後就上去買飛喇！上到去門口又繼續玩！

我地坐部全世界最快既ＬＩＦＴ上８９樓，唔駛半分鐘就上到去！一上到去就話可以用部好似特長既電話聽住黎遊呢層！

嘩　～～　呢道好靚呀！果然夜晚既台北真係好靚！我諗如果呢道下畫黎既話，一定冇咁既景睇！我地又試影左好多張相，但係都試得唔好！

之後我地就出發去上閤屋，其實過１條街就係，所以我地決定行過去！

因為我地訂左宵夜時段，要等到９點８先拎到位！呢間野都幾攪笑，個個都係俾完錢先入場！

嘩　～～　入面真係爆大，圍住周圍全部都係食物區！首先佢有分冷區、蒸點心區、手卷區、火鍋區、鐵板燒區、鍋物區、炸物區、熟食區、蒸魚區、水吧部同埋甜品區！每個區都好鬼大！

可能今日真係餓過籠，所以都食唔到Ｄ乜！５９８蚊再加一都捨得！食到十點因為小千冇車番屋企，所以我地叫佢走先！而佩華就跟我番酒店拎我帶過黎既野！

番到酒店已經係差唔到１１點半喇！初時諗住拎完野，我地仲想出去夜市！因為我地想去士林同埋師大！點知今朝攪成咁，成個人都冇哂心情，亦到好！所以我地最後決定落一落便利店就訓喇！

ＰＳ：我諗我今日心情真係超差，平時勁影相既我，應該係由飛機上開始黎料！今日竟然一張都冇！