呢套戲都真係期待以久，點解一集起碼要我等一年咁耐！仲要我周圍既人睇哂我都未睇！會唔會太過份呀！３Ｄ係值得等咁耐既．．．

今日都係上大陸，初時諗住跟ＱＣ番落黎，之後番公司做陣野就準時收工，到最後係跟唔到ＱＣ，不過咁好彩ＴＥＲＲＹ要寄野，所以可以早少少大陸走！之後仲攪笑，因為廠冇車，要我地３個自己坐車落羅湖，但係突然ＫＡＲＥＮ又叫人車我地落去梅田坐的士去黃崗可以慳時間，咁我地又有車坐喇！

好順利唔駛４點半已經到左梅田，咁順利我就出聲叫個司機車埋我地落黃崗，呵　～～　ＴＨＡＮＫＳ呢！咁我地就好順利６點前就可以番到公司喇！點知到亞浩要７點先走得！

我地去到ＭＥＧＡＢＯＸ第一時間拎左飛先，之後就落左去食越南野，味道唔錯，如果大家去開既話可以試試呢間，呢間野用恆生ＶＩＳＡ黎埋單既仲有半價添（ＯＮＬＹ野食）！

食完仲有成個鐘行一陣！Ｄ時間好快就到喇！好緊張呀！入場每人派一個３Ｄ眼鏡，之後好快就開場喇！

雖然要我全場拎住個眼鏡唔知做咩，仲有最攪笑係在大家最唔覺得要帶眼鏡既時候，突然閃起眼鏡既圖案，大家無啦啦起哄！之後一陣笑聲！我諗大家都接受唔到咁突然！哈哈哈！

睇完既感覺係哈仔真係大個左好多，個樣開始變到唔靚仔喇！而妙麗我覺得佢真係好靚！榮恩越黎越靚仔！初時我睇ＰＯＳＴＥＲ覺得露娜呢個女仔個樣好馬份呀！不過佢係套戲入面都好搶戲！唔錯　～～　之後到張秋呢個角色我都真係唔鍾意！

講番套戲先．．．太短！總部入面好多情節冇左，天狼星死得太快！如果呢集拍ＤＥＴＡＩＬ　Ｄ有上下集就最好啦！當然呢個就不可能啦！講番３Ｄ，其實真係可有可無！當然如果再有３Ｄ既我都唔會再睇！呢個答案我諗大家清楚喇掛！哈哈哈！同埋我諗住我今集會睇到喊啦．．．點知．．．天狼星真係死得太快！

十分期待第６集　～～