１２點５０終於收到診所電話，話仔仔做完手術喇！但係就未醒！聽完個電話鬆左一口氣！又想喊喇！

之後個電話都仲係好驚佢會響，因為佢話唔會再打俾我！如果打既話即係有意外！之後等到４點半我就決定走喇！

坐車期間好想快ｄ到，我好想知佢醒左未！去到診所第一時間都係問佢醒左未！姑娘答我佢醒左喇！我就好安心咁等叫名入去喇！醫生終於叫我喇，入到去仔仔吊緊鹽水，但係佢識叫我呀！之後醫生就解釋番俾我聽依家既情況！大概話仔仔依家粒石已經拎左出黎，咁就俾我睇啦！一粒大概１．６ｃｍ大既黃色石，粒石醫生話要拎去化驗，大概２個月之後先知報告！之後就話我知今個手術係成功既！再黎就係驗血報告喇，大至上都冇問題，係話佢可能有寄生虫，我諗等佢好番盡快買杜虫藥俾佢先得喇！之後就話我知十日之後帶佢黎拆線啦！初時諗住教我同佢吊鹽水，但係我話驚自己唔敢！醫生話其實可以唔吊，最緊要睇下今晚佢肯唔肯飲水！如果佢肯既都唔駛吊！之後我就出去等佢出黎喇！

姑娘再交代我今晚要注意ｄ咩，同埋話佢有失禁既情況！就俾埋仔仔ｄ藥我，買埋包狗糧就走喇！

又等左好耐先有一架的士，仔仔好咁，又不停咁喊！睇黎佢都好辛苦！番到黎我係開唔到門，好在我對面既師奶o係道幫我開門！

仔　～～　我知你好痛架！但係你要休息下！個頭ｃｏｏｌ唔可以拆架！你望住我都係唔會幫你拆架喇！