岩岩送完仔仔去做手術，好想寫一篇依家既心情！

今朝起身澎澎聲落樓，等左４個字的士都冇車！之後終於搵到一架的士喇！仔仔係車上面表現得好緊張！好似知道去做手術咁，當然呢個只係我既諗法！終於到左診所喇，第一個姑娘解釋得唔清唔楚，佢只係話我聽唔駛擔心，同埋用麻醉係有風險！叫我做定心理準備！突然第２個姑娘問有冇做過驗血，之後再解釋我知驗血既好處同埋同意用吊鹽水黎做手術穩定Ｄ！當然呢２樣野都係要用錢啦又！當然我覺得我做到最好既我一定要做！所以我諗都唔諗就即刻俾錢！呢個ＭＯＭＥＮＴ我已經喊到收唔到聲！之後講完哂我要講既野！我個心都唔知自己想點！就去左輕鐵站坐輕鐵去吉之島！〔其實係坐一個站咋）之後我就即刻打俾亞浩同細佬！亞浩叫我唔好再喊！跟本就唔會有事！我知道係．．．但係仔仔老既風險實在太大！姑娘亦都有講過，其實呢個手術係一定要做！如果唔係中取毒都係會死！當然呢個道理我係好明白！但係一諗到有風險整個人就係得一個字”驚”！

之後我就去左食早餐，但係個腦一直都諗埋Ｄ唔吉利既野！食完個早餐就上車去荃灣再轉的士番公司！我係愉景新城落車，一落就一大班警察查身份証，當然我都有俾人查啦！之後就搵的士坐喇，點知上車講哂地點司機準備開車之際，完來頭先個客未拎行李落車，之後個司機唔知點解叫我坐前面果架添！之後我就轉車喇！當行到去葵涌個迴旋處見到架大吉利事車！我個腦又亂諗野喇！今日既經過一切都好似話我知唔吉利！

亞仔　～～～～～　你等陣要醒番呀！家姐真係好擔心你呀！　
．．＞Ｑ＜．．

張相係今朝出門口同仔仔影架！佢個樣幾冇心機．．．仔　～～　你要醒番呀！