今日諗住星期六就梗係唔駛上大陸啦！點知尋日老闆以為我一齊同埋個ＱＣ一齊上，咁我咪就上囉！點解我咁順攤係因為我呢個客既ＱＣ係特別快睇完，幾個鐘就攪得掂，所以一定唔會留得晏！

但係我今日約左ＶＩ同芝去書展，仲要同貓貓去睇港姐添！真係忙爆！有人覺得好奇怪點解無啦啦去睇港姐，咪就係因為賀軍翔（小美）囉！哈哈哈！

如我所願，今日未駛１２點睇哂，我地仲澎澎聲食埋個晏就落番黎！去到黃崗都係１點５０！之後打俾佢地我就坐車出灣仔喇！

今年會展都真係錯哂！無啦啦做咩係正門收飛！傻架！塞實哂！之後我仲做錯一個決定！就係叫左大家行左ＨＡＬＬ５兒童天地先．．．當然係冇野行啦！最大既錯處係以為可以縮短去ＨＡＬＬ１既行程，點知都係兜番去正門再行過去！對唔住呢　～～

真係超多人，跟本就行唔到！個個人都係咁打書釘！都唔知企係道做乜．．．左住哂！今日唔駛錢入黎，又買左幾本特價書，都真係好抵！行到６點我就去搵貓貓喇！

貓貓去左尖東果間元氣先，而我就坐過海巴士去搵佢喇！食完之後大家慢步行去紅館，選尖東食野真係冇錯架！哈！好快就到！

入場喇　～～　駛唔駛咁多人呀！好多飛派啦！我地坐２６行好遠呀．．．不過望落去都ＯＫ喎！

好留心咁睇下小美幾時坐底，哈哈哈！在場都有好多ＦＡＮＳ呀！佢一聽到人叫佢就不停咁揮手！太ＮＩＣＥ喇！

終於完場喇！小美上鏡既機會太底，仲要發生一件我覺得幾好笑既野，未開場前亞叻行過，咁佢地握手傾計，之後入左後台，亞叻出番黎，之後佢又同小美握手再傾計，我真係覺得好好笑！有必要握咁２次手咩！哈哈哈！之後就不停有Ｄ名媛同佢影相喇！

之後同貓貓分手後我話去廁所，去完出黎Ｄ人未散哂，我就走左落去第一行睇小美啦！當時佢仲上台同３甲恭賀！之後就有人叫佢喇，佢即刻望過黎我道之後再掃第２邊！我梗係把握呢個機會同佢ＨＩ啦！哈哈哈！好無聊呢　～～

我仲影左張相添！不過冇人睇到我影咩架喇！哈哈哈！張相係小美同緊陳豪講野！如果我今日唔係上大陸，我一定帶我部機啦！唉．．．