都唔知係我黑呀！定係邪！總之有事做果日一定要我上大陸咁抵死架喎！今日就係一個好例子啦！明明番左黎公司，老闆突然間叫你上廠，到最後都唔知自己上去做乜！因為今日我地去既地方係３間印花廠！全部都係東莞市內！

總算行哂，但係佢兩母女係叫我自己落番黎香港架下！不過我唔介意，總之我趕得到上堂就ＯＫ喇！去到荃灣已經係７點３既我，澎澎聲落車就搵的士坐，點知個的士司機都唔係路，兜我路．．．好在我都唔係一個蠢人！臨尾梗係話佢啦！錯哂呀！！！最尾都要收我６０蚊的士！

今日呢堂好好玩呀，個個都唔想走咁！因為”亞蛇”教我地用相機影５個自己出黎呀！ＧＯＯＤ！當然我今日冇帶相機係一個錯誤！而ＶＩ仲衰，諗住玩竟然冇電．．．ＳＨＩＴ！！ＴＥＲＲＹ就冇得好講啦，佢拎傻瓜！

玩完之後我地去左金潮食晚飯，夜．．．果然係唔同Ｄ！起碼唔駛等位！呢道Ｄ小炒真係唔錯　～～　大家有興趣既可以問我拎地址！之後我地就行番上葵涌廣場行多陣就回家去！

ＰＳ：ＶＩ有中班既話記得話我知呀！雖然ＴＥＲＲＹ話佢未買到機唔上，但係我覺得佢最後都會玩架！哈！