今日訓到１點起身，因為約左大班人去ＡＰＭ＠ＶＡＮＮＥＳＳ簽唱會！我一去到就梗係買左野食先啦！今日食ＭＯＳ既燒牛肉堡，個堡唔錯，不過原來我蝕左，佢地話叫餐抵Ｄ，但係我就諗住拎住個薯條唔方便，叫埋個凍檸茶就算！

玩左陣，ＶＡＮＮＥＳＳ好準時咁到呀　～～　點知側邊冇人理佢喎！真係蝕到爆！如果我地係地下，一定可以好近！之後唱左２首歌，做埋個訪問就開始個簽名會喇！初時我地諗住尾Ｄ寫埋我地個名，唔知點解突然大家都話速戰速決，冇幾耐我地就上台喇！一行７人上台搵ＶＡＮ！點知．．．一上台就俾人甩左我地寫自己個名既紙，之後先俾ＶＡＮ簽名！ＶＩ扮韓人同佢講野好好笑呀！ＶＡＮ唔識答佢．．．淨係答佢ＴＫＳ咋！之後就到我同芝喇，芝冇同佢講野，但係同佢握手！而我就問左佢個白痴問題！就係．．．問佢累唔累，點解咁問，佢個樣話我知佢超累！但係佢當然答我佢唔累啦！

玩完之後，我地上左去ＡＰＭ＠ＧＲＥＥＮＢＯＸ，我地可以唱到８點，諗住唱完之後落去食埋晚飯！我地一拎房就睇下有咩下午茶食，食完之後，就開始唱歌啦！點知．．．唱唔夠１０首歌同我地玩ＬＯＡＤ唔到！等左好耐都仲係咁，之後我地梗係嘈啦！傻既咩．．．之後我地當然唔肯俾錢啦！但係我地堅持俾我地食左野既錢！我地真係有食呀嘛！之後我地嘈極都冇人理我地，Ｄ職員淨係識講”解決緊”，但係我地唔覺得佢有解決到囉！仲叫經理出黎添，點知個答覆係”經理ＬＯＣＫ左係碟房解決緊”，當然呢個解釋俾十個人聽到都唔甘心啦！之後我地出去收銀處再嘈，我地最後堅持俾食野錢就算！好在個阿姐都明白事理！收我地７０蚊就放我地走！經過呢單唔開心野，大家乜心機都冇哂，突然話入大埔食晚飯，是但啦　～～　總之離開ＡＰＭ就算啦！

我地入到大埔去到ＯＬＩＶＡ要等位呀，不過都唔夠隔離間日本野等得耐，仲有得留電話添，都算唔錯喇！我地今晚又癲食，叫左沙律、ＰＩＺＺＡ、藍青口、牛扒同埋彈弓粉！我地４個人都真係幾大食！哈哈哈！之後因為太飽啦，我地就行大埔廣場，之後行到冇咁飽我地就去埋食個甜品就ＦＩＮＩＳＨ今晚既行程喇　～～　聽日大陸行．．．實累死啦！