因為尋日老闆話要我同ＢＥＡＶＥＲ番大陸，我之後答佢好耐冇番過公司睇下有咩跟，要番公司喎！之後就決定左今日番左公司先，之後佢先同我一齊上，咁我就澎澎聲攪我䒷面Ｄ野啦！〔我老闆話我點解好耐唔番過公司，明明上個星期五有番架，梗係啦．．．我番到公司即刻出左個客道呀嘛！哼哼哼！〕

之後佢叫我打俾個客問等陣得唔得閒同我地一齊上，我答佢ＳＡＬＬＹ唔舒服話晏Ｄ番，佢就話等佢自己打俾ＳＡＬＬＹ問！真係爆攪笑！〔ＳＡＬＬＹ上就好喇，起碼唔會今晚上去個佢公司時先俾ＳＡＬＬＹ鬧話Ｄ衫唔掂先啦！〕

老闆出門口時同我講約左ＳＡＬＬＹ１１點，我地１０點半出門口，應該唔會遲到啦！１１點準時到落馬州，ＳＡＬＬＹ話點解咁早既，仲叫我咪玩佢，佢依家仲係元朗，仲問我駛唔駛搭的士黎添！原來老闆記錯左約ＳＡＬＬＹ既時間，真係想死！之後我地泊左架車，就去左食野喇，〔但係我今日個早餐成１０點幾先食喎！〕

上到去廠岩岩過左佢地既食飯時間，我地就好順利咁睇Ｄ辦啦！今次我Ｄ衫好靚呀！但係Ｄ熨工唔多掂！之後執執執，好快就到左４點，我地要走喇！個客有同事今晚飛德國，要趕番Ｄ衫車番落香港，好順利６點就到尖沙咀喇，我．．．襯呢個時間，即刻話要上個客道攪埋Ｄ野，襯機唔番公司啦！但係原來老闆都想收工囉！哈哈哈！