Ｎｉｇｈｔ　ＣａＴ　ｃＡｔ　之家

2007-05-06 16:38:40夜貓貓

２２／０４　原宿．表參道．涉谷．新宿　之旅　～　２

留言 0 收藏 0 推薦 0

而呢個就係我同公主都有叫既海老意粉，我覺得個意粉好鬼咸，仲有Ｄ蝦．．．唔係咁新鮮囉！我諗我都係愛刺身多Ｄ，哈哈哈！

呢個就係ＶＩ同芝都有叫既三文魚意粉喇！大家都認為呢間野太咸，不過招呼都唔錯！

之後我地就離開表參道呢個地方，因為大家都好鬼累，所以我提議坐ＪＲ去涉谷啦，都係一個站！

到涉谷喇　～～　真係好似香港既ＭＫ，太多人喇！我行涉谷既目的係去搵　ＰＡＲＣＯ既展館同埋０１０１ＣＩＴＹ！

ＰＡＲＣＯ既展館我地係想睇鄭元暢同埋飛輪海既展覽！行行行搵啦，點知又行左去我愛既ＤＩＳＮＥＹ　ＳＴＯＲＥ，當然唔放過啦！因為日本既每間都應該有Ｄ唔同既野賣！點知失望而回喇　～～

突然見到街邊有好似雞蛋仔既野食，我地又去排隊買啦！哈哈！之後我地就繼續去搵　ＰＡＲＣＯ　喇！轉彎就係喇　～～

嘩　～～　全幅牆都係佢地４個呀　～～　梗係過去合照啦！

我只係選擇左同我個新歡影　～　吳尊　是也！之後芝同公主各自同哂４個影，我地就出發上去睇展覽喇！

連架ＬＩＦＴ都係元暢黎架，覺得佢都真係出名喇　～～　勁！

入場費多謝５００ＹＥＮ，之後就可以入場喇，大家都快睇元暢既新相就到左我地今日主題　～～　飛輪海！因為佢地係配角既關係，都只係得一個好細既位置！

入面有少少佢地既相，仲有一道播緊佢地特登錄既一段ＶＩＤＥＯ，但係因為場內唔可以影相，所以我地睇左陣咋，因為好快就到我地約浩同ＶＩ會合既時間喇！咁就飛快落番去搵佢地！

出到門口有３張元暢既大相，場內唔俾影，梗係呢道玩夠佢啦！每人都唔同　ＰＯＳＥ同元暢影左幾張合照！