Ｎｉｇｈｔ　ＣａＴ　ｃＡｔ　之家

2007-05-04 00:35:35夜貓貓

２１／４　ＦＩＮＤ　ＳＴＩＴＣＨ　之旅　～　１

留言 0 收藏 0 推薦 0

今日９點鐘出門口，起身當然第一時間搵左早餐食先呀嘛！今日搵左呢間快餐，都係食漢堡！

今日個漢堡我覺得好食過同抵食過ＭＯＳ！仲有原來識國語既人道道都有！好勁！今日個收銀又同我地講國語喇，哈哈哈！

我地今日ＣＨＯＩＣＥ左個漢堡係有蛋既漢堡，明明表面都熟哂，但係咬落去有蛋汁架！好好味呢　～～～

公主今日唔同我地去ＤＩＳＮＥＹ癲！佢去ＳＨＯＰＰＩＮＧ同埋幫我地探路　～～　食完個早餐就分開出發！

之後我地就用好開心既心情迎接我既ＳＴＩＴＣＨ喇！

我地終於坐左９個字ＪＲ轉左２次車黎到ＤＩＳＮＥＹ喇　～～～

首先我地去左門口既ＤＩＳＮＥＹＳＴＯＲＥ睇下有咩買同埋帶O係個頭入去啦，一入門口就已經見到我想買既ＳＴＩＴＣＨ耳仔夾，梗係拎左先啦！點知．．．突然俾我見到件ＳＴＩＴＣＨ大頭ＴＥＥ喎！嘩～～～真係靚爆鏡呀！咁興奮既心情我即刻搵下有冇我碼，點知．．．失望呢！現貨最大得Ｍ碼咋！之後亞浩話唔好買住，可能入面有呢．．．

我帶住呢個失望既心情開始入去ＤＩＳＮＥＹ喇　～～～　ＹＥＡＨ！

黎到門口喇，好多人呢　～～　之後既程序係查袋同埋拎飛過機入場喇！

嘩　～～～　好興奮呀真係！個大門口個花園變左ＳＴＩＴＣＨ個大頭呀！呢個門口真係靚爆鏡呀！

之後就入去喇！嘩　～～～　又黎一個變裝門口！死梗喇我今日！去邊道都嘩嘩嘩！

依照我今日既ＰＬＡＮ．．．我今日係冇ＰＬＡＮ架！哈哈哈！總之我希望完成到阿芝要同ＥＥＹＯＲＥ影到合照，我入到我既貨，同埋今日既ＭＡＩＮ　ＰＯＩＮＴ　ＳＴＩＴＣＨ巡遊　同埋　夜晚既花燈巡遊！我今次就已經冇死而無憾喇！（哈哈哈！係咪好誇張呢　～～）

最後決定跟番我上次，首先去哂Ｄ鋪先，之後就去租ＬＯＣＫＥＲ！之後再慢慢遊呢個ＤＩＳＮＥＹＬＡＮＤ！

我地行哂門口既鋪頭，掃左好多野！已經用左我地個幾２個鐘喇，Ｄ時間會唔會過得太快喇！我最後都買唔到我既Ｌ碼，我決定買Ｍ碼！因為真係好靚！
（就係我身上呢件喇，雖然個個都話著左上我身ＳＴＩＴＣＨ塊面突然大左！但係我唔理架！哼　～～　佢已經係我架喇　～～　ＹＥＡＨ！）

之後我地就去搵大ＬＯＣＫＥＲ租喇，點知同上次係一樣命運．．．就係大
ＬＯＣＫＥＲ俾人租哂喇！淨番中ＬＯＣＫＥＲ俾我地已經好好彩！

攪掂哂ＬＯＣＫＥＲ之後．．．我突然見到ＥＥＹＯＲＥ呀！當然阿芝呢個願望成功喇　～～　佢終於可以同佢既至愛影到相喇！

攪掂ＬＯＣＫＥＲ之後，我地番左入去決定慢行今日既旅程！因為大把時間嘛！

點知．．．突然有好大聲既音樂聲！先發覺．．．中午既ＳＴＩＴＣＨ巡遊開始喇！激死人喇！原來今次我地ＭＩＳＳ左拎地圖同埋今日既節目時間表呀！

即刻搵番個好位拍野啦，叫ＶＩ拎個腳架俾我．．．點知．．．原來ＬＯＣＫ左落ＬＯＣＫＥＲ呀！大鑊！特登拎個腳架過黎就係ＦＯＲ今日用．．．點知．．．失策呢！