今日既時間好趕，因為我要為我聽日既東京行作臨行既準備外，今晚仲有一個特別既節目，就係飛輪海既ＷＩＬＤ　ＤＡＹ　ＯＵＴ！今日好早就趕哂Ｄ野出黎，諗住要準時走，點知．．．臨收工老闆又我做Ｄ新既野，好．．．做哂後我６點半就出公司呢個門口喇！

約左芝 + ＺＯＤＩＡＣ + ＰＩＮＫＩＥ一齊睇，我地晨早ＢＯＯＫ左位食今晚既晚餐！〔每人要２２０好貴呢〕齊人後入去拎位，多手續到癲左，好想發脾４，有乜可能拎位食飯都咁麻煩！首先要你對左個名之後對電話，咁就ＯＫ左第一步入場序，之後查袋，佢要收我支水，我即刻同佢嘈，冇可能我病你唔俾我拎水入場架嘛！之後佢都係俾我入，哼哼哼！上到去仲有第３個程序，要我地拎張下面派既一張紙先可以拎到我地今晚坐既䒷！係咪癲架！

之後我地就話叫左野食先，個哥哥仔實在太好人，我地叫左一個薯皮，２個通粉，一客雙拼燒豬、燒雞，仲有一個沙律，哥哥仔話差唔多，叫我地ＣＵＴ個通粉，叫我地點甜品喎！咁好啦，聽你話！

食到咁上下，哥哥仔叫我地點甜品啦，我地點左２個，之後話差少少叫我叫一杯野飲，因為我病既關係，我諗住唔叫架嘛，後黎是但叫左個熱寧茶啦！之後哥哥仔又話原來佢計錯數，仲可以叫多個甜品，最後係３個甜品架，咁梗係取消我個寧茶啦！點知哥哥仔又黎料喇．．．佢話仲有少少錢剩，仲夠叫埋我果杯．．．真係俾佢玩死！

食完咁上下，有個女人出黎話，場地問題，因為無晝位既關係，我地等陣係要再排隊，之後安排坐地下架！咁襯呢段時間，芝同ＺＯ去廁所，我同Ｐ等啦！點知．．．突然Ｄ人去哂排隊喎！咁我梗係拎哂Ｄ袋去排啦！唔好蝕呀嘛！

都唔知Ｄ人點安排，明明堆人係後，佢開左個一區俾呢班人，都唔知有冇攪錯！終於排到我地，我地ＣＨＯＩＣＥ左正中位置，但係比較中間既位，諗住拍野唔駛俾人左住，都ＯＫ啦！

終於開場喇，首先黎個ＪＥＲＲＹ．Ｃ，都唔識佢係乜水，你話俾個ＪＥＲＲＹ　ＹＡＮ我就差唔多！之後就係ＴＡＮＫ喇，佢唱左成４首歌咁多，都唔知有冇攪錯，快Ｄ俾飛輪海我地啦！

終於到飛輪海出場喇，真係癲左Ｄ人，突然堆哂上黎，我好在即時起到身咋，如果唔係就大鑊喇！如果唔係人踏人事件又會再次出現！好在佢地識做，唱完首歌之後叫Ｄ人冷靜，之後就番入去喇！Ｄ人慢慢咁向後行，話要我地坐番底，如果唔係就腰斬！我都不知幾想斬．．．退錢呀唔該！

Ｄ人再番底，但係個地下已經變左生力啤海．．．成個地下都好濕下！都白痴既，明知Ｄ人癲，點解係都要之前派酒呢！到呢個ＭＯＭＥＮＴ我發覺我冇拎自己個手袋，仲漏底左我個相機袋添！大鑊！好在手袋阿芝有幫我拎，但係我唔見左我個相機袋呀．．．初時諗住唔見到算．．．但係我個袋入面有４粒叉電，仲有一張１ＧＢ咭添！我真係想搵番呀！唔係我聽日點算呀！

黎到呢個ＭＯＭＥＮＴ，我真係冇心機再睇！因為我坐底個位勁後之餘，前面Ｄ人跪地下，我地呢Ｄ後面既跟本睇唔到！之後佢地總共唱得５首歌，好快咁就完左！真係冇說話好講！Ｄ人實在太癲喇！

完場後，好多謝芝、ＰＩＮＫＩＥ、同ＺＯＤＩＡＣ不停咁幫我搵袋！好多謝你地　～～～

搵左好耐之後，我一道有諗過放棄，因為行左好多次都真係見唔到！之後個職員姐姐都好好人，叫我留底個電話，之後ＰＩＮＫＩＥ話我地出外，不如留佢電話，ＴＨＡＮＫＳ哂！

如事者．．．到左呢個尾聲，大家話去個廁所洗埋手就走，突然出黎話個食蕉哥哥幫人搵到野，之後佢地又幫我問個食蕉哥哥，好野　～～　我個袋終於搵番喇　～～　ＹＥＡＨ　！〔不過唔見左一粒電，不過搵番已經好好呢〕

多謝哂今晚幫我既每一個人！特別係：芝、ＺＯＤＩＡＣ同ＰＩＮＫＩＥ，當然唔少得既ＨＡＲＤＲＯＣＫ既靚女姐姐〔其實應該係妹妹〕同埋食蕉哥哥啦！

之後我地就諗住坐的士番屋企，諗住問下Ｄ的士有冇折啦．．．點知架架都話冇，我地最後搵左架冇問過黎坐，番到屋企都成點喇！好好地訓一覺，聽日出發東京喇　～～