今日係派ＢＯＵＮＳ既大好日子，但係收到張票好想喊囉！我自問今年工作上同脾氣上都俾上年好！我既工作冇做錯野，我覺得呢樣野好難得，我跟個配料複雜既客上面，竟然冇訂錯野，亦冇做錯野！老闆叫我做乜就做乜，我竟然ＢＯＵＮＳ得咁少！你要我順氣唔係呢個價囉！真係好激氣！

出左ＢＯＵＮＳ之後同會計小姐傾，覺得今次呢份ＢＯＵＮＳ應該點樣得出黎呢個結果，佢話因為跟大家跟既客既生意額去分配ＢＯＵＮＳ。呢個話題傾左好耐，我得出黎既結論係冇可能囉！

因為今朝老闆女同亞夢＆ＴＥＲＲＹ一齊上左大陸，但係我越諗越唔甘心，等老闆女番黎我竟然好勇咁同佢講話有野同佢傾！〔其實我都係想死得心息啦！〕佢都好緊張問我發生咩事！

我好坦白咁同佢講，我唔應該收咁少！佢既答案同會計小姐既答案一樣，話係睇生意額，咁我梗係好唔滿意啦！我同佢講冇可能咁樣出，你話如果我生意好好，但係我唔跟野 ｏｒ 跟唔到喎！咁你出得高俾我，我諗大家都唔會順啦！仲有我唔係ｓａｌｅｓ黎架嘛，我只係一個跟單！有冇單跟本唔關我事，我只係跟好ｄ辦，個客點ｓａｌｅ我都吹佢唔脤！

佢答我今年我個客真係落少左單，係．．．我即刻解釋番啦！因為上年轉ｑｕｏｔａ個客積左好多貨！所以佢落少左係正常！呢個答案老闆應該知架！佢竟然答我老闆唔知！佢咁答我都吹佢唔脤！佢話我既解釋合理，佢話同老闆傾下！我答佢”我求你．．．唔駛喇！我只係想死得明白！你依家先再出俾我都冇意思！”。

講真依家我講完我既不滿，你再出俾我，我諗大家都唔開心囉！同埋我覺得你上次同我講唔知點出ｂｏｕｎｓ俾我，我都預左有今日！只不過冇諗過少得咁可憐！你依家咁做只會激發我搵工！

我諗我會多謝你！