今日一早入大埔，真係好大鑊！超級唔願起身啦！但係為左睇飛輪海．．．算啦！哼！

約左公主同ＫＩＴ一齊入大埔搵芝食晏先，入到去食左個正既咖喱飯，我差Ｄ食哂Ｄ飯呀！〔芝．．．我個ＢＢ繼續大落去既話都係你！！〕

食完之後去左百佳買Ｄ野食，就入去球場排隊喇　～～　約埋亞雪去球場門口等就齊人喇！ＹＥＡＨ！

入到去．．．個場好似俾飛輪海ＦＡＮＳ包場咁．．．其他香港歌手都係少少咁．．．之後我地搵左個有利位置！呵！我部相機可以ＺＯＯＭ到好近咁拍片呀！ＹＥＡＨ！

等左好耐，我地又吹左好耐水！仲凍到成舊冰咁．．．佢地終於黎左喇！真係好似佢地開ＭＩＮＩ　ＣＯＮ咁！真係大鑊！仲要唱現場添！真係唔該哂！都好既．．．新人黎香港咪咀既話，聽日報紙又唔知講乜架喇！

睇完之後唔多捨得走咁，公主話不如落去睇下！好　～～　之後我地走左落去下面既地方！佢地終於要走喇！幾近咁見到佢地．．．我仲影左呢張相添！勁呀　～～～

走喇　～～～　要去左太和火車站再坐火車去番大埔！〔因為冇的士〕我去到太和商場見到個好耐冇見既人呀　～～　好開心！大家都冇乜點變！

之後去到大埔就梗係要食多次荳花啦！真係好好味架　～～　之後我地又繼續行．．．突然有人話想食魚旦，我地又去左食串燒+魚旦！食完又繼續行．．．真係好鬼早就去食晚飯！哈！６點半咋！

去左間叫做　ＯＬＩＶＡ　既意式餐廳，真係碟碟好大碟！大家入開大埔可以去試下！


１）燒牛肉沙律

味道唔錯呀　～～～

３）　唔知咩既藍青口

個汁好好味架　～～～　當然青口都好好味啦！超大碟呀！如果唔係我地有５個人，２－３個人都未必食得哂．．．

４）　雙拼海鮮　ＰＩＺＺＡ

好正呀　～～～　雙拼真係好好　！！

５）　酥皮雞卷
６）　提拉米蘇

雞卷就差Ｄ．．．都係個甜品好正呀！

全日加埋都係１５０蚊左右！好抵呀　～～

大家好早番屋企，好似大家都趕住番去睇”花樣少年少女”咁！